Hopp til innhold

Kontorkonsert med Marit Larsen

– Eg likar å vere husband hos Posten, sa Marit Larsen då ho tysdag heldt kontorkonsert i Postgirobygget i Oslo. Sjå heile konserten her!

Kontorkonsert med Marit Larsen hos Posten 4. desember 2012.

Marit Larsen under kontorkonserten hos Posten tysdag ettermiddag. (Stillfoto: Fred-Olav Vatne/NRK)

Årets siste kontorkonsert vart eit høgdepunkt både musikalsk og på andre måtar, då Marit Larsen heldt kontorkonsert for førjulstravle tilsette i 17. etasje hos Posten.

Til denne konserten stilte artisten med ein viss porsjon innsidekunnskap: Marit Larsens bestemor i Fredrikstad jobba nemleg i Posten i mange år.

Kontorkonserten er eit samarbeid mellom NRK og MIC Norsk Musikkinformasjon.

Marit Larsen

Marit Larsen hadde med seg cellist Kaja F. Pettersen og gitarist Marius Graff til kontorkonserten.

Foto: Fred Olav Vatne / NRK

Berre to unntak frå straumen av rekningar

I tillegg til å ha lært barnebarnet sitt nyttige posttriks, som at postkort frå Syden kjem raskare fram om ein legg dei i ein konvolutt, står Larsens 82-årige bestemor framleis for dei mest oppmuntrande innslaga i artistens postkasse:

– Posten er jo for meg først og fremst ein formidlar av rekningar, seier Marit Larsen til NRK.no.

– Det er i grunnen berre to unntak: Litteraturtidsskriftet McSweeney's, som kjem som ein forundringspakke ein gong i kvartalet, og så det bestemor sender meg. Då eg flytta heimanfrå og trong mykje oppmuntring kom det noko kvar veke, no er det kanskje ein gong i månaden. Ho sender sjokolade og sokkar ho har strikka, ho skriv brev – og sender meg bilete av kattar.

– Kattar?

– Ja, du skjønar, eg er ein veldig optimistisk, men håplaus dyreallergikar. Så eg har prøvd å ha ulike kjæledyr, men dei har enda opp hos bestemor alle saman. Ho er veldig flink med dyr!

Marit Larsen

Marit Larsen.

Foto: Fred Olav Vatne / NRK

Tek ferie etter konserten

Marit Larsen har vore på vegen sidan februar, hovudsakleg med fullt band, og etter kontorkonserten er det tid for ein vel fortent juleferie.

Ho har nettopp avslutta ein kulturhusturné med elleve konsertar med dei to musikarane ho hadde med seg til Posten, gitarist Marius Graff og cellist Kaja F. Pettersen.

– Det har vore heilt vanvitig moro å spele konsertar med dei to, fortel ho.

– Med berre tre musikarar får ein ekstra nær kontakt med publikum. Det blir meir nakent, utan det filteret ein har med fullt band. Det er til dømes kjempegøy når publikum kan ønske seg låtar undervegs i konserten.

Marit Larsen er no midt i låtskrivararbeidet til eit nytt album. Låtane har ho jobba med i heile år, og no får ho endeleg tid til å fullføre dei – innspelinga byrjar etter planen til våren. Det planlagde albumet vert Larsens fjerde soloalbum, det tredje i rekkja, «Spark», kom ut hausten 2011.

Kulturstrøm

  • Sjette førsteplass på albumlisten for Ariana Grande

    Ariana Grande sikrer seg sin sjette førsteplass på den amerikanske albumlisten med sitt sjuende studioalbum.

    – En uke med evig solskinn, skrev Ariana Grande i helgen på Instagram – og siktet til suksessen som hennes sjette album, kalt nettopp «Eternal Sunshine», har.

    Utgivelsen solgte det som tilsvarer 227.000 albumenheter i sin første uke, noe som er årets beste hittil, ifølge Billboard. Blant annet ble låtene strømmet 195 millioner ganger. Den nye platen, som også topper VG-lista her hjemme, er laget i samarbeid med svenskene Max Martin og Ilya Salmanzadeh.

    Grande har tidligere toppet albumlisten med «Positions» (2020), «Thank U, Next» (2019), «Sweetener» (2018), «My Everything» (2014) og «Yours Truly» (2013). 2016-platen «Dangerous Woman» kom «bare» til en andreplass.

    Ariana Grande
    Foto: AFP
  • Fem land vil ha «Cammo»

    NRK har inngått opsjonsavtale med Tyskland, Frankrike, Spania, Belgia og Nederland om nyinnspillinger av dramakomedien «Cammo».

    Over 700.000 så første sesong av «Cammo». Serien handler om influenseren Cammo, som går konkurs og må ta på seg jobben som støttekontakt for Kamilla med Downs syndrom.

    – Dette er helt surrealistisk! At humoren og historien i «Cammo» kan treffe både spanjoler og tyskere er skikkelig gøy. Jeg gleder meg til å se hvordan de forskjellige landene tolker manus, og er så takknemlig og glad for at historien om Cammo og Kamilla potensielt skal bli fortalt til så mange millioner mennesker, sier Caroline Glomnes, serieskaper og hovedrolleinnhaver.

    Katelyn Garbin og Caroline Glomnes i rollene som Kamilla og Cammo.
    Foto: NRK

Flere kulturnyheter