Slakta Knausgård-beundringa – støttar Gelius

Den prislønte forfattaren starta altså litteraturåret 2010 med å stemple norske litteraturkritikarar som ein saueflokk i ein kronikk i Aftenposten .

Jan Kjærstad meinte bokmeldarane låg rett ut i nasegrus beundring for Min Kamp-bøkene til Karl Ove Knausgård.

Avslutninga på året vert meir sympatisk, med ei støtteerklæring til sokneprest Einar Gelius.

• LES ÒG: - «Min kamp» forførte kritikerne

HØYR DIREKTE I KULTURNYTT PÅ P2 KL 16.03: Jan Kjærstad oppsummerer litteraturåret 2010

Debatt om kritikken

Bokmeldingane av Min Kamp var ein eindimensjonal kritikk, syntest Kjærstad. Han etterlyste også at Knausgård vart plassert inn i den svenske sjølvutleverande retning.

Men etter uspelet var Kjærstad sjølv slett ikkje så lysten på å stille til debatt om saka.

Andre som tok del i debatten Kjærstad hadde starta, skulda han for å vere misunneleg på suksessen til Knausgård. Dette er sjølvsagt eit av tema for dagens oppsummering av litteraturåret 2010.

Gjev støtte til Einar Gelius

I november hamna Einar Gelius i svært hardt vêr i på grunn av boka Sex i Bibelen. Det heile enda med at Gelius sa opp i jobben som sokneprest i Vålerenga. Boka har dessutan vorte ein salssuksess.

• LES ÒG: – Det handler ikke om takhøyden i Kirken
• LES ÒG: Redaktør refser sexboken til Gelius

Jan Kjærstad er sjølv utdanna ved Det teologiske Menighetsfakultet, og har til og med opplevd å verte kalla inn på teppet til Oslo-biskop Andreas Aarflot - meir om dette får du på radio i Kulturnytt.

No gjev Kjærstad si støtte til Einar Gelius sitt prosjekt for ei opnare kyrkje.

• LES ÒG: Erobreren vert tv-serie

Andre tema du får høyre meir om i Kjærstad si oppsummering av litteraturåret er Bjørnson-året, om det å vere debutant og forfattar, og så får du vite meir om den nye romanen han nettopp har skrive ferdig.