E-bøker til fleire folkebibliotek

– Biblioteka har sjølve ansvar for å skaffe dei tekniske systema for utlån, så i praksis kjem dei fleste nok fyrst for alvor i gang til hausten, seier seniorrådgjevar i Kulturrådet, Arne Vestbø, til NTB.

Biblioteka som er nye i ordninga er Troms fylkesbibliotek, Akershus fylkesbibliotek, Bergen offentlege bibliotek og Trondheim folkebibliotek.

• LES OGSÅ: Slik låner du en e-bok

Prøveprosjektet vart innført frå nyttår og omfatta Ryfylkebiblioteka, Buskerud fylkesbibliotek og Deichmanske bibliotek i Oslo.

Då kom e-bøkene med i innkjøpsordninga for skjønnlitteratur for vaksne. Av dei 1000 eksemplar av ein tittel som blir kjøpte inn, vil 970 vere papirbøker og 30 e-bøker. Prøveordninga skal vare ut juni neste år.

• LES OGSÅ: Vil ikke senke e-bokprisene

Må ta seg tid

Av dei tre biblioteka som kom med i prøveordninga i fyrste omgang, er det berre Buskerud fylkesbibliotek som er i gang med utlån av e-bøker.

Biblioteka må bestemme seg for kva system for utlån dei skal bruke.

– Me skjønar at biblioteka må bruke litt tid på å velje system. Det er snakk om ganske mange hundre tusen potensielle lånarar, så det er viktig at systema fungerer når dei blir lansert, seier Vesbø.

– Ved å vente til hausten vil biblioteka også kunne tilby eit utval bøker frå vårkatalogen, legg han til.

• LES OGSÅ: – Bokbransjen er ikke i krise

Halvparten e-bøker

Vestbø håpar prøveordninga vil vere med på å stimulere forlaga til å gje ut nye titlar også som e-bøker.

– Forlaga må melde inn titlane som skal med i innkjøpsordninga, og for fyrste halvår av 2012 er litt under halvparten av nye titlar meldt inn som både e-bok og papirbok. E-bokkatalogen i vår vil vere på rundt 115 titlar, seier Vestbø.

• LES OGSÅ: Unge gründere kaster seg på ebokbølgen