Almaas: – Statist i Wesley Snipes-film var høgdepunktet

Lenge før «Nytt på nytt» kom på lufta prøvde Jon Almaas seg som skodespelar i USA. Han toppa karrieren med statistrolle i Wesley Snipes-film.

Jon Almaas fortel om si forhenverande filmkarriere i USA på Skavlan

Jon Almaas har vore fast anker i «Nytt på nytt» i 17 år. Neste fredag leiar han si siste sending.

Når Almaas gjestar «Skavlan» i kveld, røper Almaas detaljar om si tidlegare skodespelar-karriere i USA på byrjinga av 90-talet.

– Du seier du ikkje er ambisiøs, men korleis vil du forklare dette bilde, utfordrar programleiar Fredrik Skavlan Almaas og viser fram eit bilete av ein ung Jon.

– Det der er frå mi skodespelarkarriere i New York, som veldig få kjenner til, forklarer Almaas.

– Eg studerte økonomi i USA, men det var eigentleg filmstjerne eg ville bli.

Statist i kasjmir

Almaas var statist i fleire filmar. Han fortel at høgdepunkta var statistrollene han hadde i ein film med «Tilbake til framtida»-skodespelaren Michael J. Fox og i ein film med skodespelar Wesley Snipes.

I filmen «Sugar Hill» frå 1993 med Wesley Snipes i hovudrolla, hadde Almaas ei statistrolle som nattklubb-gjest.

– Først kom Wesley Snipes ut av nattklubben. Rett bak Wesley Snipes kjem ein mann i kasjmirfrakk saman med to prostituerte. Mannen i kasjmirfrakken var meg, flirer Almaas.

– Eg byrja også som statist, fortel den svenske skodespelaren Alicia Vikander, som også er gjest hos «Skavlan» i kveld.

Alicia Vikander

GJEST: Svenske Alicia Vikander gjestar fredagens Skavlan saman med blant andre Jon Almaas.

Foto: NRK

Men godtgjering for statist-oppdrag i USA varierer tydelegvis veldig.

– Eg fekk 100 dollar dagen, seier Almaas.

– Det var mykje meir enn kva eg fekk, seier Vikander, utan å gå nærare i detalj.

Kulturstrøm

  • Gigantunderskudd for The Sun

    Den britiske tabloidavisa The Sun gikk 68 millioner pund, 820 millioner kroner, i underskudd i fjor. Hovedårsaken er ikke fallende salg, men flere forlik med kjente og ukjente briter som har fått mobiltelefonene sine hacket, skriver The Guardian.

    "Megxit" skriver The Sun på forsiden torsdag.
    Foto: Faksimile The Sun
  • Kjendiser støttet Assange i London

    Musikere og kunstnere var blant hundrevis av demonstranter i London som støttet WikiLeaks-grunnlegger Julian Assange. Mandag avgjør britisk rett om han utleveres til USA, der han er siktet for spionasje. Også menneskerettighetsgrupper støtter ham.

    Britain Assange Protest
    Foto: Alberto Pezzali / AP