KORK til Tsjekkia

Hopp til innhold

Petr Popelka har vore sjefdirigent for KORK sidan 2020. Denne våren gjer han seg, samstundes som den internasjonale karrieren skyt fart. Han kjem heilt sikkert tilbake som gjestedirigent, for kontakten mellom Popelka og KORK er god, og med eit musikalsk samarbeid som slår gnistar.

Popelka er frå Praha, og den store avslutninga på tre fantastiske år blir ei reise til Tsjekkia og eit samarbeid med søsterorkesteret til KORK, Det tsjekkiske radioorkesteret. Her er Popelka også sjefdirigent, og han slår dei to orkestera saman til eit stort ensemble for å framføre Gurre Lieder.

Verket til komponisten Arnold Schönberg (1874-1951) beskriv den dramatiske historia om kjærleiken mellom Waldemar og Tove, fortalt av den danske diktaren J.P. Jacobsen. Gurre Lieder krev ein stor mengde utøvarar: Eit orkester på 135 musikarar, fem solistar, ein skodespelar og eit kor på over 100 stk., i alt over 250 på scenen.

Det blir to konsertar, i byane Litomyšl og i Praha. I tillegg spelar KORK ein konsert i Ostrava, med eige repertoar (mellom anna Grieg), det same som på den siste Oslo-konserten med Popelka.

Gurre Lieder-konserten i Praha blir send direkte på NRK Klassisk og seinare på Hovedscenen på NRK2.

Arnold Schönberg: Gurre Lieder
Tekst J.P. Jacobsen/Tysk omsetting: Rainer Maria Rilke

Tsjekkisk radios symfoniorkester
Kringkastingsorkestret
Tsjekkisk filharmonisk kor, Brno
Slovakisk filharmonisk kor
Dirigent: Petr Popelka

Solistar:
Waldemar: Michael Weinius
Tove: Susanne Bernhard
Waldtaube: Štěpánka Pučálková
Bauer: Yngve Søberg
Klaus Narra: Kevin Konners
Forteljar: Dietrich Henschel

Kormeistrar: Petr Fiala og Jozef Chabroň
Assistentdirigent: Andres Maurette O’Brien