Etter å ha vore ei av dei råaste skapningane i norsk jazz i 30 år, er det tid for å feire.
Jaga Jazzist, danna av Martin Horntveth og Ivar Christian Johansen i 1994, tok jazz-Noreg med storm, med si heilt spesielle blanding av improvisasjon og elektroniske klangar. Sidan har dei utvikla seg i mange retningar, og fleire av jazz-Noregs grommaste utøvarar har vore innom i kortare eller lengre tid og bidrege med sitt i det stadig skiftande lydbiletet.
Energisk er eit høveleg uttrykk for å beskrive ei konsert med Jaga, så korleis feire seg sjølv så det verkeleg høyrast? Jo, ved å slå seg saman med eit enda større band og lage ein unik konsert. KORK er klare til å bli med på festen, og stort meir trøkk kan det neppe bli i vesle Store studio.
Ingar Bergby, dirigent