Med sveler til passasjerane og eit banner med teksten «Ja til svele, kaffi og kvil. Nei til atter meir bil» viste Natur og ungdom si meining om dei nye vegplanane.
– Vi er veldig glade i denne ferja, og synest den er mykje betre enn planane om å bygge ei svær bru. Difor vil vi gjerne minne folk på at ferje er ein fin stad å få seg ei pause, gjerne med kaffi og sveler, seier Gaute Eiterjord i Natur og Ungdom.
Fryktar auka trafikk og naturinngrep
Ungdommane er tydeleg på at dei verken vil ha ferjefri eller svelefri E39.
– Ei bru vil føre til mykje meir trafikk, og mykje av den vil også gå inn til Bergen som allereie slit me for mykje bilar i sentrum. I tillegg vil bygginga av ei bru føre til nye inngrep i landskapet både sør og nord for fjorden, fryktar Eiterjord.
- LES OGSÅ:
DELTE UT: Syvert Kråkenes og Natur og Ungdom delte i ut sveler til mange av bilistane på Halhjem.
Foto: Kjetil Rydland / NRKStøtte frå bilistane
Fleire av passasjerane på kaia er lydhøyre for bodskapet til Natur og ungdom.
– Det er fint å få litt pause når ein har ungar bak i bilen, seier ferjepassasjer Frede Hatlen.
– Ja, eg synest det er veldig bra. Eg køyrer her ganske ofte og synest det er veldig greitt å ha desse pausane på ferjene nedover. Så lenge ferjene går jamleg og ein ikkje blir ståande her, så er det greitt, meiner Bjørn Vigeland.
