Egyptiske politikarar vil la 14-åringar gifte seg

Nasjonalforsamlinga i Egypt vurderer å opne for at born heilt ned til 14 år får gifte seg. Barnerettsorganisasjonen Plan slår alarm og er særskilt bekymra for jentene sin situasjon.

Ei kvinne i Kairo går forbi valplakat til Mohamed Mursi

PRESIDENTVAL: Ei egyptisk jente passerer plakatar med bilete av kandidatar ved presidentvalet som skal vere i Egypt seinare denne månaden. Nasjonalforsamlinga i Egypt vurderer eit forslag om å endre lova slik at born heilt ned til 14 år kan gifte seg.

Foto: AMR ABDALLAH DALSH / Reuters

Ein egyptisk parlamentarikar stadfesta ifølgje ei pressemelding frå Plan International at det blir arbeidd med eit lovforslag som vil senke aldersgrensa for ekteskap frå 18 til 14 år.

Det kan bety at mange jenter går glipp av utdanning og mistar kontrollen over sin eigen kropp.

Barneekteskap er utbreidd

Helen Bjørnøy

TILBAKESTEG: Generalsekretær i Plan Norge, Helen Bjørnøy, meiner det vil vere eit stort tilbakesteg for Egypt å senke aldersgrensa på ekteskap.

Foto: Kallestad, Gorm / SCANPIX

– Dette vil vere eit enormt tilbakesteg for Egypt, seier generalsekretær i Plan Norge, Helen Bjørnøy.

– Trass i at landet har innført 18-årsgrense for å gifte seg, er barneekteskap eit utbreidd fenomen, påpeikar ho.

– Saman med andre organisasjonar som jobbar for å beskytte born, held vi fram arbeidet med å påverke myndigheitene og opinionen i Egypt, seier Bjørnøy.

Lova blei endra i 2008

Plan Egypt var aktiv med i prosessen for å endre lova i 2008, då aldersgrensa for ekteskap blei heva til 18 år.

Nasjonalforsamlinga er dominert av menn, og mange analytikarar er urolige for framtidsutsiktene for kvinner sine rettar.

– FN-konvensjonen om born sine rettar stadfestar at alle personar under 18 år er born. Sjølv om det egyptiske lovverket er betra, er tidlleg ekteskap eit stort sosialt fenomen i Egypt, seier talsmann for Plan International, Auman Zadek.

Eit brot på menneskerettane

Hillary Clinton

BEKYMRA: Hillary Clinton er bekymra over at jenter og kvinner sine rettar kan stå i større fare dersom aldersgrensa på ekteskap i Egypt blir senka.

Foto: Marion Curtis / Ap

Plan Egypt stemplar barneekteskap som eit brot på menneskerettane.

– Det er ein fotfesta, men skadeleg praksis og er ei form for seksualisert vald mot born, særskilt mot unge jenter, heiter det i ei pressemelding.

Mykje avheng no av utfallet av presidentvalet i Egypt som startar 23. mai og vert avslutta 17. juni. Ein av kandidatane her, den offisielt uavhengige Mohamed Mursi, har sterke band til det mektige Muslimske brorskapet.

Det muslimske brorskapet og dei puritanske salafistane har sterk innverknad i Egypt.

LES OGSÅ: Rykte om kontroversiell sex-lov spredte seg verden rundt

Utanriksminister i USA, Hillary Clinton, er blant dei internasjonale leiarane som er bekymra over at sjølv moderate parti gjer lite for å styrke jenter og kvinner si stilling.

Omfattande og dyrt problem

At jenter blir gifta vekk i svært ung alder, er ikkje eit problem som avgrensar seg til Egypt. Og ikkje berre går det utover dei unge jentene som vert gifta vekk.

Når jenter går glipp av utdanning, kan det på lang sikt få enorme økonomiske følgjer for landa dei bur i.

Verdsbanken og FN-organisasjonen UNESCO har berekna det direkte tapet til eit beløp tilsvarande nesten 700 milliardar kroner i året.

Siste saker

Utvalgte dokumentarer

Br. dokumentar. Den 23 år gamle medisinerstudenten Jyoti Singh ble brutalt voldtatt av seks menn på en buss i Dehli. Hun døde senere av skadene. Hennes fryktelige skjebne utløste sterke protester og gateopptøyer i India, og førte til endringer i loven. Singhs voldtektsmenn snakker ut mens de venter på å bli hengt. Deres verdier og tankesett speiler et skjevt patriarkalsk samfunn som ser på kvinner som annenrangs, og til og med uønsket. (Indias Daughter)
Norsk dokumentar. Konflikten mellom Israel og Palestina handler om at to folkeslag sier "mitt land" om det samme området. Vi møter to sterke kvinner, Fathie som måtte flykte til Libanon i 1948 og ønsker å få dø i sin hjemby Jaffa, og Susi som mistet sine foreldre i Auschwitz og ble smuglet ut av leiren og holdt skjult til krigen var slutt. Nå drømmer hun om en stat forbeholdt jøder. På en stillferdig måte gir filmen et innblikk i de grunnleggende motsetningene som gjør denne konflikten så komplisert. (My Homeland)
Br. dokumentar. Hvordan lever homofile i ulike land i verden? (Stephen Fry- Out There) (2:2)