Ramallah 21.september - Palestinsk FN-medlemskap er det store temaet når hovudforsamlinga til FN i desse dagar er samla i New York. I den palestinske byen Ramallah er mange tusen menneske i dag samla for å markera støtte til ein sjølvstendig palestinsk stat i FN. - Foto: ABBAS MOMANI / Afp

Palestinsk FN-medlemskap er det store temaet når hovudforsamlinga til FN i desse dagar er samla i New York. I den palestinske byen Ramallah er mange tusen menneske i dag samla for å markera støtte til ein sjølvstendig palestinsk stat i FN.

Foto: ABBAS MOMANI / Afp

Titusenvis marsjerer for palestinsk FN-medlemskap

Fleire tusen demonstrerer på Vestbreidda for å støtta opp om ønsket om FN-medlemskap for ein palestinsk stat.

Sigurd Falkenberg Mikkelsen rapporterer fra Kairo 04.02.2011 - NRK-korrespondent Sigurd Falkenberg Mikkelsen følgjer utviklinga i konflikten mellom Palestina og Israel. - Foto: Nyhetsspiller /

NRK-korrespondent Sigurd Falkenberg Mikkelsen følgjer utviklinga i konflikten mellom Palestina og Israel.

Foto: Nyhetsspiller

Mange tusen menneske er onsdag samla på Arafat-plassen i sentrum av Ramallah under ei stor støttemarkering for FN-søknaden til Palestinarane.

– Heile familiar frå nærliggjande landsbyar strøymer til for å ta del i markeringa. Folk marsjerer, held politiske talar, dansar og svingar kvite flag med talet 194 på, fortel utanrikskorrespondent i NRK, Sigurd Falkenberg Mikkelsen på telefon frå Ramallah.

Ønskjer å bli medlem nummer 194

Markeringa i Ramallah skjer samstundes med at dei 193.medlemslanda i FN er samla til den årlege hovudforsamlinga i New York.

Det er venta at presidenten til palestinarane, Mahmoud Abbas, vil søkja om at palestinarane vert tekne opp som medlemsland nummer 194 og får anerkjenning for ein sjølvstendig palestinsk stat i løpet av møtet.

I Ramallah herskar det no ein avventande optimisme.

– Folk er stort sett glade for framstøtet til Abbas. Dei meiner tida er mogen for å få på beina ein sjølvstendig palestinsk stat. Folk her seier dei treng fridom og dei treng støtte frå omverda, fortel Falkenberg Mikkelsen.

Skrekkblanda fryd

Israel, USA og fleire europeiske land er negative til å gje palestinarane FN-status. Presset aukar på Abbas for å droppa søknaden, og i dag møter han USAs president Barack Obama.

Ramallah ligg ti kilometer nord for Jerusalem og er hovudkvarteret for det palestinske sjølvstyreorganet.

Den nære rådgjevaren til Abbas, Tayeb Abdel Rahim, heldt onsdag ein politisk appell på Arafat-plassen. Bodskapen han kom med til folkemassen var at sjølv om dei palestinske styresmaktene er hardt pressa, vil dei aldri gje opp kampen for ein eigen palestinsk stat.

Sjølv om palestinarane held pusten og kryssar fingrane for at FN-søknaden vert innvilga, er dei også redde for økonomiske og politiske sanksjonar frå Israel.

– Dei er urolege for kva som vil skje i etterkant. Palestinarar som eg har snakka med her er engstelege fordi dei beveger seg inn i eit nytt politisk landskap som ingen veit korleis ser ut, fortel Falkenberg Mikkelsen.

Ampert på grensa

Demonstrasjonane i Ramallah går roleg føre seg, men ved grenseovergangane til israel er stemninga amper. NRK-korrespondenten var onsdag ettermiddag på veg frå Ramallah til Jerusalem. Ved grenseovergangen Kalandia var det samanstøytar mellom palestinske ungdommar og opprørspoliti.

– Oppimot hundre ungdommar står og kastar stein mot politiet, som svarar med tåregass, fortel han.

Det er venta at president Abbas vil levera søknaden om FN-medlemskap til generalsekretær Ban Ki-moon fredag denne veka. Hendinga vil bli vist på storskjermar i alle dei store palestinske byane.

PALESTINIANS-ISRAEL/UN - Ein palestinsk ungdom blir frakta vekk av journalistar etter å ha vorte såra i samanstøytar med israelsk politi ved grenseovergangen kalandia nær Ramallah. - Foto: DARREN WHITESIDE / Reuters

Ein palestinsk ungdom blir frakta vekk av journalistar etter å ha vorte såra i samanstøytar med israelsk politi ved grenseovergangen kalandia nær Ramallah.

Foto: DARREN WHITESIDE / Reuters

Siste saker

MIDEAST-GAZA/ An APC drives near the border with the Gaza Strip - En israelsk stridsvogn i nærheten av Gazastripen. Militæraksjonen er nå den dødeligste siden seksdagerskrigen i 1967, og har ført til enorme ødeleggelser og en humanitær krise i Gaza. - Foto: SIEGFRIED MODOLA / Reuters

Tredager våpenhvile mellom Hamas og Israel er i gang

En tredager lang våpenhvile mellom Hamas og Israel skal nå ha trådt i kraft. Angrepene mot Gaza fortsatte imidlertid fram til siste slutt, og drepte enda en hel familie på 10. Militæraksjonen som har vart i nesten 4 uker er nå den dødeligste siden 1967-krigen.

Les saken

Utvalgte dokumentarer

Israelsk dokumentar fra 1998. Filmen handler om den israelske staten fra den ble dannet i 1948, med de viktigste hendelsene og milepælene, og er satt sammen av nyhetsklipp, dokumentarfilmer og utdrag fra spillefilmer. Enkeltpersoner deler sine egne minner og refleksjoner som borgere av det nye landet. (Tkuma - The first 50 Years)
Br. dokumentar fra 2013. Den arabiske våren har satt igang en rekke endringer i Midtøsten. Iran har fortsatt som mål å skaffe seg atomvåpen, og Israel står overfor en rekke trusler, både utenfra og innenfra. BBC-journalisten John Ware rapporterer. (Facing the Future)
Br. dokumentar. Unge afghanske jenter blir utnyttet på det grusomste av narkotikabander knyttet til Taliban. Bøndene dyrker opium mot å få lån av bandene til avlingene sine. Når myndighetene brenner ned plantene, kommer bøndene i en tvangssituasjon. De må selge døtrene sine for å betale gjelden til bandene. (Opium Brides)