Som eitt av nokre land har Saudi-Arabia hittil nekta kvinner å putta stemmesedlar i urnene. Men no skal kvinnene få røysterett på lik linje med menn, seier Kong Abdullah søndag.

– Me avviser å marginalisera kvinner i samfunnet i alle roller som overheld sharia. Derfor har me, etter drøftingar, vedteke å involvera kvinner i shurarådet som medlemmer frå og med neste periode, sa kongen i ein til rådet søndag.

– Kvinner vil vera i stand til å stilla som kandidatar i lokalvalet og vil også få røysterett, sa Kongen i ein til rådet søndag, la han til.

Ikkje nasjonale val

Kvinnene i det ultra-konservative islamske kongedømet Saudi-Arabia må kjempa ein hard kamp for likeverd og rettar som er grunnleggjande i eit demokratisk styresett.

Hittil har Saudi-Arabia stått i selskap med Bhutan, Brunei, Dei sameinte arabiske emirata, Libanon og Vatikanstaten, der kvinner anten har innskrenka eller ingen røysterett.

Kongedømet Saudi-Arabia har ikkje nasjonale val. Førre gong eit lokalval blei gjennomført var i 2005, og då var kvinnene uønska. Menn fekk for første gong lov til å velja halvparten av representantane i lokale forsamlingar, andre halvparten vart utpeika av kongefamilien.

Tidspunktet for neste lokalval var sett til 2009, men blei utsett til september 2011 og går av stabelen neste veke. Kvinnene vil uansett først få brukt røysteretten sin ved neste lokalval, opplyser kongen.

(Saka held fram under biletet)

Saudi-arabiske kvinner - Svært få kvinner i Saudi Arabia ønskjer å stilla opp på bilete. - Foto: Sidsel Wold / NRK

Svært få kvinner i Saudi Arabia ønskjer å stilla opp på bilete.

Foto: Sidsel Wold / NRK

Får oppfylt nøkkelkrav

I tillegg til røysterett, vil den usedvanleg rause Kong Abdullah også gje kvinnene høve til å stilla som fullverdige kandidatar til Shura-rådet, eit rådgjevande organ med medlemmer utpeika av kongen.

Dermed får liberale aktivistar oppfylt to nøkkelkrav etter lang tids kamp mot konservative krefter.

I Saudi-Arabia er noko som liknar likestilling likevel ein fjern draum.

Kvinner må dekkja seg til, treng løyve frå ein mannleg slektning for å reisa og er hindra i ø søkja mange typar jobbar. Dei har heller ikkje lov til å køyra bil, noko mange har demonstrert mot og fått internasjonal merksemd for den siste tida.

Fryktar «den arabiske våren»

Den arabiske våren, som den pågåande bølgja av opprør og revolusjonar i den arabiske verda har vorte døypt, har i mindre grad smitta over på folkesetnaden i det rike oljelandet.

Etter at det blussa opp små demonstrasjonar aust i Saudi-Arabia i mars, blei Kongen skremd og innførte forbod mot alle typar demonstrasjonar. Leiarane i landet åtvara samstundes om kraftige sanksjonar for dei som braut forbodet.