Chae Hee-yang er 66 år gamal. Han er fødd i Nord-Korea, men flykta frå landet under Koreakrigen på 1950-talet. For nokre veker sidan trakk han vinnarloddet. Han skulle få reise tilbake til fødelandet og møte sin far.
Saman att etter 60 år
Førre gong dei var saman var då Chae var eitt år gamal. Gleda var stor då dei endeleg møttest att i dag.
Den same gleda kjente også fleire hundre andre på, for det var mange som fekk møte sine slektningar att i dag. Ektepar fekk halde kvarandre i henda, søsken fekk gje kvarandre ein klem. Alle har dei levd på kvar si side av verdas mest militariserte landegrense i over 60 år.
- LES OGSÅ:
Møta mellom dei splitta slektningane er eit ledd i ein avtale som Nord- og Sør-Korea har inngått, og skal bidra til at konfliktnivået mellom dei to landa vert dempa.
Mange flykta frå Nord til Sør under den tre år lange Koreakrigen på 50-talet. Familiar og ektepar vart splitta og har sidan den gong dei levd i to heilt ulike samfunn.
Risikerer liva
Seinare har det vore langt vanskelegare å flykte frå Nord-Korea, men etter ein hungersnaud på midten av 90-talet var det stadig fleire som flykta ut av Nord-Korea. Dei fleste av dei kom seg nordover til Kina.
– Kina ser på flyktningane som arbeidsimmigrantar med ulovleg opphald, og nektar dei som kjem til landet å søke asyl. Dei risikerer difor å bli sende tilbake, med dei konsekvensane som det kan ha, seier Richard Skretteberg i Flyktninghjelpen.
- LES OGSÅ:
Må reise kvar til sitt
Flyktningane fortel at dei har reist frå eit slaveliv der arbeid står i sentrum, og kor ein kan bli straffa hardt for små lovbrot. Fangeleire er vanleg i Nord-Korea, og skakande historier om mødrer som må drukne sine eigne babyar og systematiske valdtekter har kasta særs lange skuggar over eit regime som prøver å framstille landet positivt.
Årleg flyktar rundt 2.000 menneske ut av Nord-Korea. Nesten 25.000 av desse bur i nabolandet Sør-Korea. Dei fleste flyktar på grunn av mangel på mat og vanskelege levetilhøve, seier Skretterberg i Flyktninghjelpen.
– Det er eit folk som lever på kniveggen heile tida. Fordi ei stor naturkatastrofe er nok til å skape enorme humanitære konsekvensar for matsituasjonen.
Denne veka feira den kommunistiske arbeidarpartiet i Nord-Korea 70 år, og varta opp til storstilt feiring.
- Les om feiringa, der NRK var til stades:
- LES OGSÅ:
Etter dagens reunion må familiemedlemmane på ny reise kvar til sitt, vel vitande om at dette sannsynlegvis var siste gong fekk ta på, sanne med og sjå sine kjære.