Sørlendingane tapte til slutt kampen 15-23 mot Fredrikstad i Kongstenhallen.
Vipers kom bakpå allereie frå start og låg under med tre mål etter seks minutt.
Til pause låg rosatrøyene under med 7-14 mot Fredrikstad som ligg på kvalifiseringsplass i eliteserien.
Eitt poeng på fem kampar
Vipers klarte aldri å hente inn forspranget og gjekk dermed på sitt fjerde tap på dei fem siste kampane.
I førre serierunde spelte dei uavgjort mot Storhamar på bortebane.
Fredagens tap gjer at laget frå Kristiansand ikkje har vunne ein eliteseriekamp sidan 18. januar då dei slo Tertnes borte.
Langt opp til toppen
Før kampen mot Fredrikstad sa sportsleg leiar Peder Langfeldt at laget mest truleg kan sjå langt etter ei topp fire-plassering med tap.
Vipers har tapt begge seriekampane mot Fredrikstad denne sesongen. Heime i Aquarama tapte dei 22-28 i fjor haust.
Vipers ligg framleis på 6. plass på tabellen. Avstanden opp til Tertnes som ligg på 3. plass er på fem poeng. Vipers har fire kampar att å spele denne sesongen.
