– Mange av skilta er misvisande

– Mellom desse to skilta, som er sett opp midt på 90-talet er det aldri registrert påkøyrsle av elg, seier Kåre Sander Nilsen som er leiar fallviltgruppa i Tvedestrand kommune.

– Skiltet er rett og slett misvisande. Det var også slik når elgbestanden var stor, seier han.

Nilsen er ein av fleire som vert oppringt når eit dyr er påkøyrt for å ta hand om dyret.

Han meiner at mange av skilta som varslar om fare for elg rett og slett heng på feil stad.

– Rett og slett misvisande

– Du skal ha respekt for elgskiltet og dyretråkket som går over vegen og senke farten. Men dersom du aldri ser dyr på strekninga har ikkje skiltet nokon effekt. Då senkar du ikkje farten, seier han.

Paralelt med at elgbestanden har gått kraftig ned i Aust-Agder dei siste åra er også talet på elgpåkøyrsler gått ned.

Ifølgje SSB vart det felt 2429 elg i Aust-Agder i 2000/01. I 2015/16-sesongen vart det felt 693 elg.

– Mellom dei to skilta her, som er sett opp på 90-talet, er det aldri registrert påkøyrsle av elg. Det er rett og slett misvisande. Det gjaldt også når elgbestanden var stor, seier Nilsen.

Tal frå Statistisk Sentralbyrå viser ein kraftig nedgang i talet på elgpåkøyrsler i fleire fylke. I 2014/15 vart 22 elg påkøyrt i Aust-Agder. I 1990/91 vart 71 elg påkøyrt i same fylke.

• Les: Tester ut et helt unikt prosjekt for å telle elger

– Har ingen effekt

Statistikken viser det same i både Vest-Agder, Telemark, Vestfold og Buskerud.

– Du skal ha respekt for elgskiltet eller dyretrakket som går over vegen, slik at du senkar farten, seier Nilsen

– Dersom du aldri ser dyr på strekninga har heller ikkje skiltet nokon effekt. Då senkar du ikkje farten, seier han.

I fylke som til dømes Hedmark, Oppland, Nord-Trøndelag, Nordland og Troms er det derimot langt fleire elg som vert påkøyrt no, samanlikna med for 15-16 år sidan.

• Les: Mye elg langs veiene – slik unngår du påkjørsler

Varslar gjennomgang

I Tvedestrand i Aust-Agder vil dei no gå grundig gjennom kva skilt som eventuelt er feilplassert.

– Eg trur at på Sørlandet er det mange kommunar som kunne vore greit å ta ein gjennomgang av det, seier landbruksrådgjevar Hans Magnus Sætra i Tvedestrand kommune.

Viltrådgjevaren i fylket sier at det mange plassar i Aust-Agder der elgskilta har blitt hengande alt for lenge.

– Dei vart hengt opp ofte på grunn av situasjonen for 30 år sidan. Så har det kanskje vore litt ulikt rundt omkring om det er vurdert endringar. Kanskje nokre av skilta heng utan særleg grunn, seier viltrådgjevar Hans Fløystad i Aust-Agder fylkeskommune.