Stor etterspurnad etter norsk laks gir lakseoppdrettarane i Norge grunn til å smile. Etterspurnaden er nemleg mykje større enn det dei greier levere, og prisen har gått i vêret.
2013 vart eit rekordår for lakseoppdrettarane langs kysten.
- LES OGSÅ:
Trur ikkje på forskarane sin spådom
Men kan oppdrettsnæringa greie vekse nok i tida framover? Det spørsmålet stridast ekspertane om, skriv Aftenposten.
I ein rapport skriven av mellom SINTEF, anslår forskarane at lakseproduksjonen i Norge vil femdoblast frå i dag og fram til 2050. Ein slik vekst fram mot 2050 vil innebere ein vekst på like over fire prosent kvart år, seier forskarane.
Aslak Berge som er redaktør for nettstaden ilaks.no har ikkje trua på spådommen. Han viser til at det er for mange miljøaspekt som må løysast for at næringa skal kunne vekse så mykje.
– Men dette er sjølvsagt opp til politikarane. Ein må sjølv bestemme seg for kor stort miljøavtrykk ein vil etterlate, seier Berge til Aftenposten.
- LES OGSÅ:
- LES OGSÅ:
Oppgitt over ministeren
Fiskeriminister Elisabeth Aspaker seier til avisa at regjeringa har som mål at oppdrettsnæringa skal halde fram å vekse.
Problema med rømming og lakselus meiner ho er delvis løyste allereie, og ministeren trur ikkje ei femdobling av produksjonen innan 2050 er umogleg.
Dette gjer generalsekretær Nina Jensen i WWF-Norge oppgitt.
– Det er ikkje rom for å setje fleire fisk i sjøen i dag. Først må dei betydelege problema med rømming og lus løysast, seier ho til avisa.
- LES OGSÅ:
- LES OGSÅ: