Frå ein hemmeleg base i Kurdistan nord i Irak utfører israelske spesialstyrkar etterretningsoperasjonar inne i Iran, melder den engelske avisa The Sunday Times.
– Dette er ikkje overraskande, seier seniorforskar Sverre Lodgaard ved NUPI.
Foto: Bendiksby, Terje / SCANPIXIsraelarane bruker iranske militæruniformer og køyretøy. Dei måler radioaktivitet og held auge med Iran sine atombasar på jakt etter bevis for at Iran utviklar kjernevåpen.
– Ikkje overraskande
– Det overraskar meg ikkje at Israel har etterretning på bakken i Iran. Det er svært plausibelt at dei prøver å finne slike bevis, seier seniorforskar ved Norsk Utenrikspolitisk Institutt, Sverre Lodgaard.
- LES OGSÅ:
Basane det blir samla informasjon om er Fordo, Arak og Parchin. Fordo driv med oppriking av uran, og Arak er ein tungvassreaktor, som israelarane trur kjem til å produsere plutonium innan eit år. Parchin er mistenkt av Det internasjonale atomenergibyrået (IAEA) for å utvikle tenningsutstyr til kjernefysiske stridshovud.
– Iransk dekkoperasjon
– Me har oppdaga forsøk på ein dekkoperasjon på basen i Parchin nyleg. Det kan indikere at iranarane prøver å skjule bevis for prøvesprenging, i tilfelle IAEA kjem på kontroll, seier ei ikkje namngitt etteretningskjelde til TST.
Kjeldene seier at slike operasjonar har gått føre seg i årevis, men har blitt trappa opp i det siste kring Parchin-basen i nærleiken av Teheran.
Dette er det iranske tungtvassanlegget i Arak.
Foto: Hamid Foroutan / Ap- LES OGSÅ:
- LES OGSÅ:
