– Det var solid og bra og det var flotte mål. Vi kunne kanskje ha vore endå betre, men det var ein gøyal start på ein lang sesong på Sør Arena, seier Tørum til NRK.no.
- LES OGSÅ: Start knuste Godset
- LES OGSÅ: Kampen minutt for minutt
Raudt kort
Det var ein dramatisk kamp mellom dei to laga i Kristiansand. Allereie etter åtte minutt fekk keeper Adam Larsen Kwarasay eit omdiskutert raudt kort og det vart dømt straffe til Start.
– Det pregar kampen i stor grad. Dei har eit veldig offensivt lag, og må heller leggje seg bakpå og prøve å forsvare seg. Dei må setje inn ein ung keeper som kanskje ikkje hadde sett føre seg å debutere så tidleg i eliteserien, seier Tørum.
– Når dommaren først bles tykkjer eg det er rett å gi raudt kort. Viss ikkje er den regelen bortkasta. Han må gi det raude når han først bles, seier Tørum.Årst scora, og derifrå og ut cruisa Start inn til tre poeng i heimedebuten.
Strømsgodset har, ifølgje trenar Ronny Deila, bestemt seg for å leggje inn protest på det raude kortet. Laget håpar på at førstekeeperen skal sleppe å sone straff.
Tettar igjen bak
I fjor var Start blant laga som sleppte inn flest mål i eliteserien. I år har laget terpa spesielt på forsvarsspel. Det ser ut til å gi resultat då laget kun har sluppe inn eitt mål på dei to første kampane.
– Vi er blitt flinkare i soneforsvar, forholde oss til kvarandre og gløyme løpa til dei andre. Det gir oss kortare avstandar slik at vi kjem raskare opp i press, seier han.
– Der vi gjorde feilval i fjor, gjer vi rett val i år. Det er skjeldan dei andre kjem heilt upressa gjennom på keeperen vår. Vi har få målsjansar imot og få mål imot. Så får vi håpe det held fram slik, seier Tørum.
Med to sigrar på dei to første kampane toppar Start eliteserietabellen.
– Det er hyggeleg det. Så får vi håpe det varer til første søndagen i advent også, smiler Tørum.