– Vi veit aldri heilt sikkert, men vi trur det er kun eitt dyr i dette området, seier rovviltansvarleg i Statens Naturoppsyn, John Erling Skåtan til NRK.no.
LES OGSÅ: Trolig to ulver på ferde
LES OGSÅ: Fekk fellingsløyve på ulv
Fellingslag ute i natt
Han trur ulven bevegar seg i områda Evje og Hornnes, Åseral, ned mot Marnardal og kanskje mot Vennesla.
– Vi har registrert ulv sidan 10. juli, og det verkar som om den er her framleis. Så får vi sjå om den har tenkt å slå seg ned eller om den har tenkt til å vandre vidare. Det er ikkje godt å seie, seier han.
LES OGSÅ: Klagar på fellingsløyve
LES OGSÅ: Sau drept av ulv
Eit fellingslag har vore ute i natt for å prøve å lokalisere ulven. Så langt er det funne tre drepne og tre skadde sauer og lam.
Overskotsdreping
– Når desse store rovdyra kjem til enkle byttedyr, som sauen er, har dei lett for å drepe meir enn dei treng. Vanlegvis har dei ein kamp for tilværelsen. Men når dei kjem til enkle ting, får vi overskotsdreping. Dei drep og skadar meir enn dei eigentleg treng, seier Skåtan.
Fellingslag er i dag ute for å prøve å finne ulven. Det er ei vanskeleg oppgåve.
LES OGSÅ: Får ikke fell ulv selv
– Vi har ikkje moglegheit til å spore den. Vi må vere i området der vi trur han er. Så det er vanskeleg, seier han.
