Kommentaren kom på Facebook vel ein halv time etter eksplosjonen førre fredag, skriv .
– Eg meinte det ikkje bokstaveleg, seier Henry Stav til avisa. Han står som nummer 21 på lista til Framstegspartiet i Frøya til kommunevalet i haust.
Saman med kommentaren lenka Stav til TV2 si nyheitssak om bombeattentatet. I den artikkelen kom det mellom anna fram at statsminister Jens Stoltenberg var trygg.
– Berre eit innfall
– Det var det fyrste eg skreiv, i eit innfall, seier Stav.
Likevel fortel han avisa at han meiner Stoltenberg kunne hatt godt av "ein tur til himmels og nokre runder rundt jorda".
- LES OGSÅ:
Til avisa stadfestar han at det er snakk om Stoltenberg, og at han ikkje er Frp-politikaren "sin type". Men han seier han ikkje ville at statsministeren skulle miste livet.
– Det var berre eit innfall der og då, før nokon visste kven som stod bak. Men det er jo ingen som vil at det skal gå liv, seier politikaren.
- LES OGSÅ:
Til NRK seier Stav at dette var eit resultat av frustrasjon i augneblinken, og at han ikkje meinte noko med det. Men frustrasjonen har ein bakgrunn.
- Me ser korleis det går med landet. Det går nedover og bakover, og det er ikkje løyvingar til verken det eine eller det andre, seier Stav til NRK.
– Kunne vore unngått
– Ein må vere klar over at det er ein eigen språkbruk her ute på Frøya. Viss alle skulle gjort alvor av det når ein seier at ein vil slå nokon i hjel, ville halve Frøya vore slått i hjel. Eg meiner det sjølvsagt ikkje bokstaveleg, seier Stav til Hitra-Frøya.
Stav fortel vidare at dersom Frp sin innvandringspolitikk hadde vore innført, ville ein kunne unngått at folk fekk haldningar som dei drapsmannen har.
– Då hadde me sannsynlegvis unngått det som skjedde, seier han.
Hallgeir Bremnes er fungerande ordførar, og ordførarkandidat for Frøya Frp.
– Dette er ein kommentar Frp tek sterk avstand frå. Eg vil så fort som mogleg ta ein alvorsprat med Stav, seier han til avisa.
