Kor mange gonger har du ikkje saumfare butikkane etter toppen med akkurat den fargen du vil ha, i det stoffet du vil ha, med det snittet du kler best?
Kanskje finn du endeleg ein, men oppdagar at naboen har funne nøyaktig den same? No kan du avslutte den trøyttande jakta og sy din eigen:
Denne veka syr deltakarane i Symesterskapet ein silketopp med vassfallsutringing, eit plagg som fell elegant og fint fordi stoffet er klipt på skrå.
Vanlegvis legg ein mønsteret langs jarekantane (dei to langsgåande ytterkantane på ein stoffrull) når ein syr. Men viss ein legg mønsteret på skrå på stoffet, som på bilete, blir stoffet meir elastisk, og ein får eit plagg som fell mjukt i ein topp eller i ein selskapskjole.
Slik får du det fine fallet på toppen:
1. Brett stoffet diagonalt, slik at jarekanten ligg langs klippekanten.
2. Legg mønsteret (½ forstykke) inntil bretten
3. Fest med knappenåler og klipp langs mønsteret.
5. Så har du framstykket til ein lekker topp klipt på skrå.