Medan 2020 var rekordvarmt, blei inngangen på 2021 kald.
Mange har nytta vêret i fjellet, men no blir det mildare – og skredfaren er høg i heile Sør-Noreg.
Denne veka gjekk det fleire skred i Sogndal utløyst av folk på ski. Ein av dei var Daniel Kambestad på ein tur ned frå det populære fjellet Togga i Sogndalsdalen.
– Plutseleg forsvann bakken under meg, seier han.
Berga truleg livet
For Kambestad starta morgonen på ski idyllisk. Ski-entusiasten hadde sett seg ut ei fjellside med ein dal nedanfor, og syntest snøen såg fantastisk ut.
– Eg vurderte det til at dette skulle gå greitt, men hadde ein plan for å køyra vekk dersom det skulle skjære seg, seier han.
Men då han slapp seg ut forbi kanten var det litt fastare underlag enn han hadde trudd.
Og så rasa det.
– Snøføyken var kanskje 15–20 meter høg. Det var eit solid skred, ein liten «mordar», seier han.
Takka vere tidlegare erfaringar kom han frå det i god behald.
– I starten av skredet har du eit sekund eller to på å setje skia ned og få litt fart, for å få nok fart til å svinge i skredet. Den tidlegare erfaringa mi redda nok livet mitt, seier han.
Dempar ikkje skigleda
Det heile vart fanga på film.
«Sjå det skredet! Litt dårleg vurdering av meg», seier han etter å ha svinga unna snømassane som fossar ned fjellet.
Men etter å ha opplevd fleire snøskred, er skigleda like stor.
– Dette er lidenskapen min. Eg lever billeg og har mykje fri for å stå på ski, seier Kambestad som både er utdanna lærar og maskiningeniør, i tillegg til å ha sitt eige selskap som fjellguide.
Skia hans er kjøpt brukte, og skijakka var mor hans si.
– Den er frå 1988. Eg lever billeg og brukar pengane på å stå på ski, seier han.
Betydeleg skredfare
Etter ei periode med fint, kaldt og klart vêr blir det no snudd på hovudet. I nord blir det kaldare, medan det blir gradestokken kryp oppover i sør. Vêromslaget kan bidra til å auke faren for snøskred.
Faregraden er
– dei fleste stader i Sør-Noreg dei neste dagane.– Litt nede i snøen har vi eit vedvarande svakt lag, som vil følgje oss i ei god stund framover. Dette lovar ikkje godt for tida framover, seier Sander Buene som både er Tindevegleder og skredobservatør.
Han legg til at snøskred også er ei varsling om at det kan kome fleire:
– Ferske skred er tydelege teikn på at det er skredfare. Ein skal vite kva ein driv med for å seie at det er trygt å bevege seg i skredterreng no, understrekar Buene.