Trur på folkefest og 3-2 siger

Med to sigrar og seks poeng toppar trønderane tabellane, medan vertane i Sogndal har plassert seg i andre enden med tap og uavgjort så langt.

Søndag kveld brakar dei to laga saman på Fosshaugane, og då kan alt skje.

– Følelsen er veldig bra. Vi har trent veldig godt og vi kjenner oss klare for Rosenborg, seier Azar Karadas.

• FØLG KAMPEN SPARK PÅ SPARK SØNDAG KLOKKA 19

Vil gje trønderane kamp

Eidaren var utan kontrakt i nokre månader i haust, men i slutten av februar signerte han på ny med sogneklubben. Den erfarne midtstopparen er godt nøgd med sesongstarten, sjølv om det altså berre har resultert i eitt poeng så langt. Kampen mot Tromsø enda 2-2, medan Vålerenga vann 1–0 på måndag.

– Spelemessig har vi ikkje vore så verst. Vi har skapt ein del sjansar og vore på full høgde med dei andre laga.

– Men poengmessig har det vore dårleg. Følelsen er god før vi møter Rosenborg, så får vi gå ut og gje dei kamp, seier Karadas.

• LES OGSÅ: Sogndal hentar lokalt talent
• LES OGSÅ: Moldespelar på utlån til Sogndal

Satsar på tre poeng

Det er 15 år sidan Sogndal sist vann mot Rosenborg. 1998 vann sogningane på straffe etter at Asle Hillestad klinka ballen i nettmaskene.

• LES OGSÅ: Har ikkje slått RBK på 15 år - på søndag får Sogndal ein ny sjanse

At det er blitt så mange år sidan sist skremmer ikkje Karadas.

– Då må vi bryte det og sikre oss tre poeng på søndag, seier spelaren som sjølv har ei fortid i Rosenborg.

– No er det ikkje så mange att frå i tid, men det er alltid spesielt å møte Rosenborg. Eg hadde nokre fantastiske år der oppe, fekk vere med å vinne veldig mykje, og ikkje minst spele Champions League.

• LES OGSÅ: 17-åring signerte kort tid etter at han gjekk av flyet
• LES OGSÅ: Karadas tilbake i Sogndal for 2013-sesongen
• LES OGSÅ: Sogndal tippa nord og ned igjen - kapteinen meiner ekspertane tek feil

– Gode mål og sjansar

I dei to første kampane denne sesongen har Azar Karadas begynt på benken, og blitt bytta inn mot slutten. Om han står i startellevaren eller er på bana når dommaren bles i fløyta søndag veit han ikkje.

– Vi får sjå, men uansett om eg er på benken, tribunen eller på bana så skal eg bidra så godt eg kan uansett.

Karadas meiner forma til laget er på ein stigande kurve og er ikkje tung å be når han blir spurt om å tippe resultatet.

– Vi lagar ein folkefest og vinn 3–2. Det blir masse gode mål og sjansar, og publikum er nøgde, gliser han.