Trur det er lenge til det kjem bru over fjorden

Etter år med krangling og venting, kom avgjerda seint måndag kveld.

Statsminister Erna Solberg og regjeringa hennar flyttar E39 frå midtre til Indre Nordfjord.

• LES MEIR: Regjeringa har bestemt seg - her skal E39 gå gjennom Nordfjord

– Det viktigaste for oss er korte og føreseielege vegar, utan for høge stigningar. E39 er ein gjennomfartsveg, og den skal vere kort og rask, seier fylkesleiar Rolf Olav Tenden i Lastebileigarforbundet.

Samferdsledepartementet legg til grunn at E39 vil gå over Anda - Lote fram til ny bruløysing er på plass i indre Nordfjord. Prioritering av tiltaka på strekninga Skei - Volda vil bli vurdert nærare i arbeidet med Nasjonal transportplan 2018-2027.

Indre trasé er også den traseen fylkeslaget har støtta tidlegare.

– Eg trur det er lenge til ein får sjå bru over fjorden. Her blir det tautrekking om midlar og traséval, seier Tenden og meiner yrkessjåførane også i framtida vil ta nytte av ferjesambandet i midtre.

• LES OGSÅ: Mange sterke reaksjonar - sei di meining om #E39 i sosiale medium du også
• LES OGSÅ: Slik jublar ein sigrande stryneordførar
• LES OGSÅ: Kim og Leif mista ferja med eitt minutt - no mister dei også brua dei har drøymt om

For mange representerer overfartane høve til ein liten pause.

– Det kjem jo an på kvar ein skal. Valet for kvar ein køyrer blir deretter, seier han og legg til at ei SMS-undersøking blant dei kring 100 medlemene i fylket gav kring 50/50 oppslutnad på indre og midtre trasé.