Ordførar Arnestein Menes frå Senterpartiet i nye Sogndal kommune er også skuffa over at regjeringa ikkje vil belønne dei nye kommunane med meir pengar. Heller ikkje for den nye storkommunen i indre Sogn var statsbudsjettet lysteleg lesnad.
Skuffelsen er stor i dei nye storkommunane i Sogn og Fjordane. Kommunane som har slått seg saman hadde nemleg håpa på betre økonomisk utteljing i forslaget til statsbudsjettet. Kommunedirektør Ole John Østenstad i nye Sunnfjord kommune meiner regjeringa undervurderer kva det kostar å slå saman kommunar. For Sunnfjord sin del betyr budsjettframlegg reduserte overføringar på åtte millionar kroner.
Regjeringa har sett av 167 millionar kroner i statsbudsjettet til oppgradering av Gudvangatunnelen og Flenjatunnelen på E16 i Aurland. Også Borgundtunnelen og Seltatunnelen på E16 i Lærdal skal oppgraderast med blant anna nye vifter, lys og naudutstyr.
I dag kom forslaget til statsbudsjett for 2020 utan oppstartsmiddlar til skipstunnelen. – Vi hadde store forhåpningar til at regjeringa ville komme med eit endeleg klarsignal i dag, seier prosjektleiar for Stad skipstunnel, Randi Humborstad.
Nynorskarbeidet får 4,2 millionar kroner meir i forslaget til nytt statsbudsjett, skriv NTB. Blant anna får Det Norske Samlaget 1 million kroner, Nynorsk pressekontor 1 million, og Sogn og Fjordane Teater/Nynorskhuset i Førde får 1 million kroner.