Startar ryddinga i Alver
Onsdag skal fjellsida over rasstaden på Austfjordvegen i Alver reinskast, melder avisa Nordhordland.
– Vegen blir tidlegast opna torsdag, men han kan bli stengd lengre, seier byggleiar i Vestland fylkeskommune, Solfrid Vigdis Kvamme til avisa. Søndag gjekk eit stort steinras over fv. 570 ved Dyrdal i Alver kommune. Det er likevel innbyggjarane i Masfjorden som blir hardast råka av vegstenginga. Fleire hundre kubikkmeter stein skal ha kome ned, og mykje av vegen skal vera øydelagt.
– Onsdag skal det sprengast ned meir frå fjellsida, etter det må ein eventuelt sikra fjellsida meir, før ein kan gå i gang med oppryddinga, seier Kvamme.