Hopp til innhold

Vinterdekk-føre i fjellet – her har det snødd 35 centimeter i dag

Låge temperaturar og snø skapar vanskelege køyretilhøve på fjellovergangane i Sør-Noreg.

Snø på Folgefonna 3. juli 2020

35 CM NYSNØ: Slik ser det ut på skisenteret Folgefonna i Jondal fredag 3. juli. Vi har fått 35 centimeter nysnø, flirer dagleg leder Michael Iversen.

Foto: Fonna Glacier Ski Resort

– Eg vil oppmode trafikantar om å vurdere å bruke vinterdekk om dei skal over fjellet i helga, seier statsmeteorolog Steinar Skare til NRK.

Fjellovergangane som knyter aust- og vest er alle opne, men på desse fjellovergangane har det kome snø.

  • Fylkesveg 55 – Aurland-Hol, Sognefjellet
  • Riksveg 13 Vikafjellet
  • Riksveg 7 Hardangervidda

– No er det viktig at bilistane skor seg etter tilhøva. Alle har vel sommardekk på i dag, men om dei skal over ville eg heller ha vurdert å køyre enn anna veg, seier trafikkoperatør ved vegtrafikksentralen i Bergen, Marianne Hove.

På Sognefjellshytta har det kome snø fredag.

SNØ: Vertskapen på Sognefjellshytta vakna til snødekte bilar fredag morgon.

Foto: NRK-Tipsar

Pudderføre i juli

På den populære turistvegen, fylkesveg 5624 på Aurlandsfjellet mellom Lærdal og Aurland, er det snøslaps på vegen. I Geiranger var Nibbevegen opp mot Dalsnibba stengd torsdag kveld på grunn av snø, skriv Geiranger Skywalk Dalsnibba på Facebook.

Meteorologisk institutt sende torsdag kveld ut eit farevarsel for snø på fjellovergangane i Sør-Noreg.

Laster Twitter-innhold

Det er meldt låge temperaturar og nedbør i form av snø på fleire overgangar i løpet av dagen.

I morgontimane i dag har vegtrafikksentralen registrert temperaturar mellom -2 til 2 varmegrader på fjellovergangane. Laurdag skal temperaturen stige noko.

Laster Twitter-innhold

På Folgefonna skisenter Jondal har dei midt på dagen fredag fått noko så sjeldan som pudderføre i juli.

– Vi har til no fått 35 centimeter ny snø berre i dag, seier dagleg leiar Michael Iversen.

– Vêret snur fort

Ove Fortun driv Sognefjellet Sommarskisenter langs fylkesveg 55. Der har det kome to centimeter nysnø i løpet av natta.

Han melder om elles greie køyretilhøve på fylkesvegg 55.

– Det er våt vegbane og ingen dramatikk. Men alle veit at vêret på Sognefjellet kan endre seg raskt, seier Fortun.

– Vinterberedskapen er minimal, men entreprenørane rykker ut om det blir behov for strøing eller brøyting på vegane, opplyser Hove.

Fylkesveg 55 Sognefjellet

MINUSGRADER: På Sognefjellet vart det registrert temperaturar på 2 minus grader.

Foto: Ove Fortun