Mange planar, men ingen gondolbaner

Ei rask oppteljing viser ikkje mindre enn ti lanserte planer om gondolbaner sidan 2007.

Det året lanserte teatersjef og tidlegare Ap-politikar Terje Lyngstad ideen om gondolbane til Hafstadfjellet i Førde .

• LES OGSÅ: Vil ha gondolbane for turistar

– Eg var politisk aktiv og tykte det var ein spenstig idé. Det gir innbyggjarane i byen ein ekstra livskvalitet, og eg står bak det den dag i dag, seier han sju år etter.

Mange framlegg

Sidan har gondolbane til Furukampen i Flåm, frå Briksdalen til Jostedalsbreen , i Skjolden , til Tystigen i Stryn, til Kambafjellet i Hodlekve og Kjøsnesfjorden i Jølster .

Siste framlegg er til Hoven i Stryn .

• LES OGSÅ: Prosjektgruppe skulda for å skjule naturinngrep

– Vi ser for oss at utsiktsplattforma skal gå ut i lause lufta. Du får verkeleg oppleve høgda og wov-faktoren, fortel direktør Richard Grov ved Hotell Alexandra i Loen.

– Synd

Medan nokre av prosjekta manglar finansiering og vilje, er andre prosjekt skrinlagde av naturomsyn. Dermed står Sogn og Fjordane utan anna enn store planar om å frakta folk til fjells med bane.

Det tykkjer fylkesnæringssjef Jan Heggheim er synd. Fylket har sagt at ein må tillate enkelte tekniske installasjonar for å gjere naturen meir tilgjengeleg.

• LES OGSÅ: Nei til gondolbane på breen
• LES OGSÅ: Ikkje gondolbane i Flåm

– Vi treng i alle fall noko som kan vere med å forsterke naturopplevinga. Men ein må hugse på at dette er ganske store investeringar og komplekse anlegg. Då er det ikkje så rart at nokre av dei blir lagde vekk, seier han.

Lanserer ny idé

I Førde meiner den avdanka politikaren Lyngstad at ei gondolbane kan tene plassen den blir etablert.

• LES OGSÅ: Gondolbane til departementet
• LES OGSÅ: Vil lage ishotell 1800 m.o.h.

Samstundes er han ikkje sein om å lansere nye, alternative idear:

– Eg trur ikkje nødvendigvis at Sogn og Fjordane som såleis må ha ei gondolbane. Men kanskje Førde, Sogndal og Flore kunne hatt noko slikt som utkikkspunkt som var lett tilgjengeleg for innbyggjarane og ikkje minst dei som kjem til staden som turistar, seier han.