Kritiske til populære plastjuletre

Med berre dagar att til julaftan er det mange som allereie har fått juletreet på plass. Ein av dei er Dag Jonsen. Han er ein av mange nordmenn som har valt å droppe eit grønt og glitrande tre av gran eller furu.

– Treet er kome på plass, men det er av plast, seier Jonsen då NRK møter han på Plantasjen i Førde.

Og Jonsen er ikkje åleine. Faktisk er heile 15 prosent av juletrea vi kjøper her i landet no kunstige plastjuletre.

• LES OGSÅ: Gi juletreet «fyllesyk-behandling»
• LES OGSÅ: – Juletreet vil ta så kraftig fyr at ein ikkje får sløkt det

Har gått tome for plastjuletre

Eit juletre med stjerne i toppen er ei sjølvfølgje i alle norske heimar, men om det er gran eller furu varierer mykje. No er det også eit anna type tre som er i ferd med å bli svært populært.

Nestleiar på Plantasjen i Førde, Sveinung Nydal, fortel at langt fleire nordmenn kjøper seg ei barnålfri jul som kan lagrast på loftet.

– Vi er tomme no for alle plasttrea som ser mest naturtru ut, så eg har ikkje så mykje å vise fram til kundane som kjem no, seier Nydal.

For Jonsen er det praktiske grunnar til valet av plast.

– Vi reiser vekk i jula, og kjem att i romjula. Då er det greitt med eit plasttre, seier han.

(Artikkelen held fram under biletet)

Sel 15 000 plasttre på rappen

Plantasjen Norge sel åleine 15 000 plasttre i år, det er 15 prosent av den totale juletremarknaden. I forhold til i fjor er det også ei salsauke på 15 prosent.

Det å ha eit kunstig juletre har blitt stovereint i norske heimar. I pappøskjer tek ein dei med seg heim og plasserer greiner og stammar etter eige ønskje. Juletrea er å finne i mange variantar. Høge, låge, tette, grøne eller kvite, med eller utan lys og pynt.

Og skal ein tru Nydal er det dei dyraste trea som er mest populære.

– Det mest naturtru treet kosta om lag 2000 kroner, men dei var vi tome for allereie før adventstid, seier Nydal.

Han seier at nesten ein tredel av kundane deira kjøper seg kunstige tre.

– Ein del kjøper plasttre på grunn av allergi, ein del vil ha det lettvint og så er det slik at dei kunstige juletrea ser mykje meir ekte ut no enn for nokre år sidan, forklarar Nydal.

• LES OGSÅ: Klager på pakkar som ikkje kjem
• LES OGSÅ:

(Artikkelen held fram under biletet)

Plasttreet er dårleg nytt for miljøet

Men juletre laga av plast, spelar ikkje på lag med miljøet, meiner Naturvernforbundet. Fagleiar for naturmangfald, Arnodd Håpnes, ser ikkje lyst på at plasten rykkjer opp på trendbarometeret.

– Vi vil at folk skal ha mest mogleg miljøvenlege juletre. Då vil vi at folk skal ha vanleg norsk gran eller furu, tre som er dyrka ute i skogen der tre høyrer heime, seier Håpnes.

• LES OGSÅ: Pepperkakehus legges ut for salg
• LES OGSÅ: Torsk eller truse? Her er den «politisk korrekte» julegaven

Allergi er gyldig grunn

Men ikkje alle har valet mellom ekte og kunstig om dei skal kunne ha eit tre i stova til julefeiringa. Sigmund Bjørlo har valt plasttre av andre grunnar enn å sleppe å gå i skogen på hogst.

– Eg har astma og tåler ikkje dei vanlege trea, seier Bjørlo.

Og allergi og astma er ein gyldig grunn for val av plasttre, også for Naturvernforbundet.

– Vi har full forståing for at dei med allergi og astma må ty til plastjuletre, for å unngå å bli sjuke, seier Bjørlo og legg til:

– Men vi understrekar at for dei som tåler det, og for dei som vil vere miljøvenlege, så er rådet frå Naturvernforbundet å bruke norske artar som kjem frå skogen. Det er det mest miljøvenlege.

– Det er mest praktisk

For Dag Jonsen var ikkje miljøet det avgjerande for juletrevalet.

– Miljøvenleg og miljøvenleg? Eg har ikkje tenkt på at dei er laga av plastikk, eg har tenkt på det praktiske, seier Jonsen.

• LES OGSÅ: Stjal 240 juletrær på en halvtime
• LES OGSÅ: Tjener dobbelt så mye på å selge juletrær fremfor melk