SISTE: Det ekstraordinære årsmøtet i Kristeleg Folkeparti i Sogn og Fjordane har nettopp røysta i saka om det politiske retningsvalet. Fylkespartiet har avgjort å sende fire raude delegatar, to blå og ein delegat som støttar forslaget om å vere i opposisjon. Dei raude fekk 51 røyster, 30 røysta blått og sju vil ha det som i dag.
Fylkesleiar Beate Bondevik Lie sa tidlegare i dag at ho trur det blir ei spennande avstemming.
– Eg er spent, men gler meg. Eg trur vi får gode diskusjonar og ei god avstemming, seier ho.
Det er venta at KrF i fylket vil sende flest delegatar som støttar partileiar Knut Arild Hareide og hans ønskje om å gå inn i ei raudgrøn-regjering. Lie seier dei vil ha eit val på delegatar som gjenspeglar stemninga i salen.
– Det er i alle fall fylkesårsmøtet si innstilling.
Lie tykkjer at striden i partiet har spissa seg meir enn det ho tykkjer om.
– Det må eg vere ærleg å seie. Eg tenkjer vi må gjere ein god jobb for å gå vidare i samla tropp uansett kva som skjer på landsmøtet
Mange delegatar skal veljast
Fem fylkesårsmøte vel delegatar i dag, og dei skal til saman velje 52 delegatar til landsmøtet 2. november.
- Sogn og Fjordane: 7
- Hordaland: 14
- Møre og Romsdal: 12
- Trøndelag: 13
- Troms: 6
Om vi berre ser på dei som faktisk er valde av fylkesårsmøta, ser landsmøtesalen foreløpig slik ut:
- Les også:
- Les også: