- Helseministeren må komme å snakke med dei tilsette i Nordfjord

Helse Førde-styret gjekk fredag inn for å framskunde nedlegginga av ortopediavldeinga ved Nordfjord sjukehus.

• LES OGSÅ: Ortopedien forsvinn raskare

- Dette går ikkje

Eid-ordførar Sonja Edvardsen meiner styret med dette viser at dei har problem med å ta innover seg sentrale polititiske signal og vedtak.

Ho viser til stortingsfleirtalet som i samband med handsaminga av Nasjonal helseplan seier at lokalsjukehus skal ha eit kirurgisk tilbod.

- Skal dei ta vekk ortopedien som vedtaket seier, så meiner eg dei ikkje følgjer opp Nasjonal helseplan, seier Edvardsen til NRK.

• LES OGSÅ: - Leie av å bli behandla annenrangs
• LES OGSÅ: - Ingen vits å protestere

Inviterer helseministeren

Edvardsen vil no invitere helseminister Anne-Grethe Strøm-Erichsen til Nordfjordeid for å møte dei sjukehustilsette.

- Slik situasjonen er no, er det viktig at statsråden blir informert direkte frå dei tilsette og tillitsvalde ved Nordfjord sjukehus for å finne ut kva som er det beste framover for situasjonen, seier Edvardsen.

• LES OGSÅ: - Anestesi opnar for ny aktivitet