Måndag starta produksjonen av dei første bussane ved fabrikken i Stryn, etter at verksemda vart lagt ned i fjor.
- LES OGSÅ:
Bestemt tysdag
GB Drift vart etablert 4. januar og tok over produksjonsmidlar, konsept og tilsette frå Vest Buss Industri. Selskapet som no endrar namn til Vidre er dotterselskap av Gode Busser Holding.
- Kva tykkje du om det nye namnet? Skriv det du meiner i kommentarfeltet under.
– Vi har hatt bistand frå designbyrået Farmhouse her i Stryn. Namnet vart bestemt i styremøte og ekstraordinær generalforsamling i selskapet tysdag, seier dagleg leiar Jon-Rune Heimlid.
Inspirert av vêrgud
Tida frå avgjerd til offentleggjering har vore nytta til mellom anna å registrere domene, oppdatere offentlege register og varemerkeregistrering for det nye selskapet.
– Vidre er inspirert av namnet på den norrøne guden Vidrir som er vêrguden. Vidrir er også eitt av Odin sine mange namn og blir karakterisert som eit av dei mest alminnelege og betydningsfulle namna hans, seier Heimlid.
Han forklarer at namnet passar godt sidan dei byggjer bussar som er tilpassa og eigna for nordisk klima.
- LES OGSÅ:
- LES OGSÅ:
Jobbar med å lage logo
Heimlid meiner også at namnet gjev assosiasjonar til ordet «vidare».
– I tida framover blir det jobba vidare med å utvikle logo, grafisk profil, heimesider og kommunikasjonsstrategi for selskapet. Det vil også bli ei offisiell markering og opning i slutten av mars, seier han.
- LES OGSÅ: