- Om dei nye investorane kan berge nokon arbeidsplassar og skape nye ting framover, så synst eg det er positivt, seier Nedreberg.
Investorar glade for positive signal
Vedtaket om å leggje ned bussproduksjonen ved Vest Buss AS kom som eit sjokk på det vesle Stryne-samfunnet for snart ein månad sidan. Over 100 tilsette vil på nyåret stå utan arbeid, og i eit område det på ingen måte er flust med nye jobbalternativ.
- LES OG:
Nye interessentar jobbar hardt for å starte ny produksjon. Fylkeskommunen har no gått inn med 2 millionar kroner til Nye Vest Buss Industri.
- LES OG:
Arild Bødal, som leiar gruppa som arbeider for å starte opp att bussproduksjonen, er svært glad for signala frå Nedreberg.
- Det er veldig positivt at han har tru på planane våre, seier Bødal.
Avhengige av løysing med Vest Buss
Han seier dei har arbeida over tid med å få på plass finansiering for å starte opp ny verksemd med basis i tidlegare Vest Buss.
- Det er klart vi er avhengige av å få til ei løysing og ei skisse som involverer tidlegare eigar. Vi må ha tilgang til både produksjonsmidlar, konseptet og elles det som skal ti for å kunne starte opp ei ny, men nedskalert produksjon, seier Bødal.
Vest Buss har ein avtale med Irisbuss. Dei eventuelt ny drivarane vil stå mykje friare i høve marknaden ifølgje Nedreberg.
- Dei vil ha høve til eit breiare kundegrunnlag i og med at dei er meir uavhengige av leverandørane av chassis, seier Nedreberg.