Vegen er opna etter at det i morgontimane gjekk det eit ras like ved Feiostunnelen i Vik i Sogn.
Fram til då var 400 innbyggarar i bygdene Feios og Fresvik isolerte.
Ein av dei var Thomas Hjortland.
Han køyrer vanlegvis gjennom tunnelen for å komme seg på jobb.
– Ein kan aldri føle seg trygg på desse vegane som er her, men ein kan heller ikkje gå å tenke på at det kan gå ras. Ein må jo køyre att og fram for å få kvardagen til å gå.
I dag blir det heimekontor for Thomas Hjortland. Han er ein av dei som er isolerte etter raset ved Feiostunnelen.
Foto: PrivatTrafikkoperatør Christer Eide ved Vegtrafikksentralen Vest fortel at dei ventar på dagslys før dei kan vurdere vegen.
– Entreprenør begynner ikkje å rydde før det har lysna litt. Dei klarer ikkje å fange kor stort raset er, så dei må ha litt meir lys.
– Det vil gå nokre timar før ei ny vurdering vil bli tatt. Det er snakk om å ha geolog på staden, og kan det bli nokre timar ytterlegare før vegen opnar, seier Eide.
Førebels skal Vegvesenet ta vurdering på vegen klokka 12 fredag.
HIT, MEN IKKJE LENGRE: Innbyggjarane i bygdene Fresvik og Feios kjem seg ikkje lenger enn hit.
Foto: PrivatJusterer ned flaum- og skredvarsel
Fredag blei farevarselet for flaum og jordskred på Vestlandet justert ned frå oransje til gult.
Det er venta mindre nedbør enn tidlegare varsla opplyser Aart Verhage, regionsjef NVE
– Det skal kome litt meir nedbør på søndag igjen, men det ser ikkje ut som det er nok til å oppjustere farevarselet igjen, seier han.
Tidlegare på dagen var det oransje farevarsel for jordskred og flaum på Vestland, sørlege delar av Møre og Romsdal og nordlege delar av Rogaland.
I løpet av dei siste 24 timane har Skare i Ullensvang passert 100 millimeter nedbør.
Yr melder også snø over fjellovergangane i Sør-Noreg.
Snøgrensa kan krype ned mot 800 meter i løpet av laurdagen.
Ordførar: – Vande med ras
Ordførar i Vik kommune, Roy Egil Stadheim, er van med stengde vegar og ras i kommunen.
I dag vakna han til stengt veg til Arnafjorden og ras i Feios.
– Det er på'an igjen slik vi er van med i bygda vår
– No går det båtruta til Arnafjorden, så får vi sjå kva geologen seier om opning. Viss det blir langvarig stengt i Feios må vi sette i gang beredskapsrute der også.
Vegstrekninga har fleire gonger blitt stengt på grunn av ras og skred.
Ifølge vegkart.no har det vore opp mot 20 skredhendingar på vegen sidan 2010.