På femten år har Olav aldri opplevd at det har gått så få snøras her

Fylkesvegen frå Gudvangen til Bakka i Aurland er ein av mange rasutsette vegar i Sogn og Fjordane. Men denne vinteren har vore spesiell.

Medan det tidlegare vintrar har vore stengd både titt og ofte, har det denne vintersesongen berre gått to ras. Eitt i januar, og eitt i går kveld.

Stalheim har budd på Tufto i nærleiken av Bakka i femten år, og gler seg stort.

– På dei femten åra kan eg ikkje hugse at det har vore så få skred.

– Det er mykje lettare å fungere i det daglege når ein slepp tenkje på at det kan kome eit skred, seier han til NRK.no.

Kan bli både innstengt og utesperra

Saman med kona Liv Karin Stalheim jobbar han på garden deira som ligg langs med Nærøyfjorden. Midt i verdsarvområdet er det både idyllisk og vakkert, men dei bratte fjella gjer at det også kan vere farleg.

Dei som bur i området veit godt at det kan gå ras når dei skal ta vegen inn til Gudvangen. I tillegg til faren det utgjer med tanke på at bilar og folk kan bli tekne, betyr ras og rasfare også at folk kan bli både innestengt og utesperra.

Både bilar og gravemaskinar har vore nære å bli tekne av ras på denne vegstrekninga.

• LES OGSÅ: Ferje nær treft av steinras
• LES OGSÅ: - No kjem snøskredet
• LES OGSÅ: Bil tatt av snøskred i Gudvangen

At vintersesongen vi legg bak oss skil seg ut er noko Stalheim har merka seg. Det kalde, stabile vêret med lite snø gjer at det både på denne vegen og andre plassar har gått færre skred over vegane.

– Det har vore veldig lettvint i vinter, med stabilt flott vintervêr, med lite snø og lite skred, seier han til NRK.no.

Vinteren 2011 fanga Alexander Paulsen eit skred i Gudvangen på video.

• LES OGSÅ: Her ser dei raset kome buldrande

(Artikkelen held fram under videoen)

– Snakkar helst ikkje om det

– Korleis er det å leve med ein så rasutsett veg?

– Det er litt slitsamt. Det er noko du tenkjer på både titt og ofte at det kan kome eit skred. Skal du på eit møte langt fram i tid, så veit du ikkje om du kjem deg fram.

– Plutseleg kan det hende av vegen er stengd. Det har skjedd meg fleire gonger, seier han til NRK.no

Men sjølv om ras og rasfare er noko innbyggjarane her må halde seg til, er det ikkje slik at dei snakkar så mykje om det.

– Vi snakkar helst ikkje om det. Vi likar ikkje prate om det, for vi har nok av det, forklarar Stalheim.

• LES OGSÅ: Frp vil be folk flytte i staden for å rassikre vegen inn småbygdene
• LES OGSÅ: Løyser ut snøskred for å trygge kvardagen din
• LES OGSÅ: Har gode røynsler med SMS-varsling

(Artikkelen held fram under biletet)

Trur det kjem meir

Raset som gjekk tysdag kom i 19.30-tida på kvelden. Det er ca fire meter høgt og 30 meter breitt. Det har blitt gjort ei vurdering av rasområdet onsdag, men faren for at det skal kome ned meir gjer at ein ikkje vil opne vegen i dag.

• SJÅ OPPDATERTE VEGMELDINGAR HER

At dei har vore heldige til no er ein ting, men no trur Stalheim at det kan kome ned meir. Den siste tida har det kome ned store mengder nedbør og dermed er snøen som ligg i fjellet både våt og tung.

– Det er litt snø att og mykje skavlar, så held det fram med slikt vêr som no kjem det til å kome meir. Det er ikkje så mykje snø, men det kan kome nokre skred likevel, seier han.

• LES OGSÅ: Rasfylket manglar fylkesgeolog
• LES OGSÅ: Så kom Nautaskreda igjen