– Informasjon om grunnforhold og naturfare kan vere livsviktig for å førebygge ulykker frå flaum og skred. Eg er derfor glad vi nå gjer det obligatorisk å melde inn, seier energiminister Terje Aasland.

Framtidige grunnundersøkingar og naturfareutgreiingar skal meldast inn til høvesvis Noregs geologiske undersøking (NGU) og Noregs vassdrags- og energidirektorat (NVE). Data og rapportar som blir melde inn blir dermed offentleg tilgjengelege og kan brukast av andre.

Lov og forskrift vil tre i kraft 1. januar 2025.