Regjeringa foreslår 20 nye studieplassar i medisin til Vestlandslegen i Førde. Dette er ei utviding av Universitetet i Bergen sitt tilsvar på legemangelen, spesielt i distrikta.

Forsking- og høgare utdanningsminister Oddmund Hoel (Sp) presiserte viktigheita av ei desentralisert medisinutdanning då han sleppte nyhenda under ein seanse ved sentralsjukehuset i Førde.

– Det handlar om beredskap, det handlar om kvalitet og det handlar om nasjonal tryggleik, sa han.

Ordninga vart starta opp i fjor, då med studieplassar i Stavanger. Ordførar i Sunnfjord, Jenny Følling (Sp), er godt nøgd.

– Det ligg i framlegget at når ein skal ta legeutdanning, så skal ein gå tre år i Bergen, og dei tre siste åra i Førde. Då får ein utplassering i området her, og vil utdanne dei her.