Trafikkulykke mellom motorsykkel og personbil i Kvam

Naudetatane er på staden etter ei trafikkulykke mellom ein motorsykkel og ein elbil på fylkesveg 39 Steinsdalsvegen i Norheimsund. Begge førarane blei sett til av lege på staden. Førar av motorsykkel er tatt med av ambulanse for sjekk. Politiet skreiv tidleg at både førar av bil og motorsykkel var oppe og gjekk.

Vest politidistrikt melder om ein del oljesøl. Vegen var ein periode stengt. Trafikkoperatør i Vegvesenet, Jon Andreas Åmdal, fortalde då at det var fleire hundre meter kø på staden.

Klokka 09:49 skriv Vegtrafikksentralen vest på Twitter at brannvesenet har spylt vegbanen, og at vegen no er open for fri ferdsel.

Operasjonsleiar Beate Træen fortel at det er tatt mellombels førarkortbeslag av motorsyklisten som følge av hendinga.