Iransk demonstrasjon i Bergen

Fleire titals bilar møtte opp til ei bilkortesje til støtte for demonstrasjonane i Iran i Bergen i dag.

Bilkortesjen gjekk frå Lagunen til Bergen sentrum. Gruppa som arrangerte demonstrasjonen ynskjer å støtte protestane mot det sitjande regimet.

I Iran har det vore omfattande protestar etter at 22 år gamle Mahsa Amini døydde i moralpolitiet si varetekt, etter å ha blitt arrestert for brot på landet sine strenge kleskodar.

Over hundre skal ha blitt drepne i protestane, og demonstrantar har blitt avretta.