Equinor hevar beredskapen

Equinor har bestemt seg for å heve sikringsnivået i Noreg. Beredskapshevinga skjedde i natt, og gjeld alle Equinors anlegg, får NRK opplyst.

– Det er basert på den utviklinga vi har sett den siste tida. Det betyr at vi innfører sikringstiltak på kontorstader, installasjonar, forsyningsplassar, helikopterplassar, landanlegg og fartøy i Noreg. Av omsyn til tryggleiken og effekten av tiltaka vi gjer, ønskjer vi ikkje å gå ytterlegare inn på dei tryggleiksvurderingane og sikringstiltaka som vi gjer, seier pressetalsmann Eskil Eriksen til NRK.

På prosessanlegget for gass på Kollsnes i Øygarden, er det etablert eige beredskapsteam beståande av lokal leiing og tillitsvald, som dagleg går i møte for å følge situasjonen tett, får NRK opplyst.

På Equinor sitt oljeraffineri på Mongstad er det også plassert ut vakter i forbindelse med Vestland fylkeskommune sitt fylkestingsmøte.