- Gud vil vaske oss kvar dag

Ja, det har vore vått i år. Viss du føler på det at det berre regnar, vel så har du mykje rett.

Målingar frå Meteorologisk institutt viser at det ikkje har kome meir nedbør dei første ni månadene i år enn på over 100 år.

Det einaste unntaket er 1989, då var dei første tre kvartala av året våtare, skriv Aftenposten.

– Gud vil vaske oss kvar dag

Og det er i Gulen det er verst. Samla sett har målestasjonen i Brekke til no i år fått 2738 mm nedbør, noko som er 118 prosent av normalen, skriv avisa. Nokre kilometer unna har målestasjonen på Takle blitt plaska ned med 2573 mm nedbør.

KrF-ordførar Trude Brosvik seier folk i kommunen trøyster seg med ein fin vits om det dårlege vêret.

– Gud var nemleg så nøgd etter å ha skapt Vestlandet, og såg kor fint det vart, at han bestemte seg for å vaske det kvar einaste dag, seier Brosvik til Aftenposten.

• LES OGSÅ: - Dette er noko av det mest ekstreme som er målt nokon gong
• LES OGSÅ: Juli var unormalt våt

(Artikkelen held fram under biletet)

No er til og med gulingane leie......

Både på Brekke og på Takle er dei vande med styggevêret, og det er nærast blitt tradisjon at dei kjem høgt på listene når det kjem til rekordmålingar for nedbør.

• LES OGSÅ: Miste NM-tittel i nedbør
• LES OGSÅ: Berre 50 millimeter frå rekord

Etter at både våren og sommaren var klissvåt, ser det ut til at hausten blir likeins. Seinast i går vart det målt over 30 mm nedbør på målestasjonane og no er til og med folk i Gulen lei dritvêret.

– Vi hugsar det når vi ser sola, då er alle glade igjen. Eg såg sola seinast i går, sjølv om det regna noko veldig. Det er slik det er på Vestlandet, det kan vere fleire vêrtypar på ein dag. Men eg trur at folk her i Gulen føler at det har vore mykje regn no, seier KrF-ordføraren til Aftenposten.