Trump seier dette i eit intervju med New York Times. Intervjuet er enno ikkje publisert, men avisa har lagt ut ein del av innhaldet på Twitter.
Han viser til at dei strenge amerikanske lovene som gjeld personlege økonomiske interesser og politikk, faktisk ikkje gjeld for presidenten. Og ifølgje Trump er dette noko heilt nytt i amerikansk historie.
Interessekonfliktar
Dei føderale lovene i USA seier ikkje noko om interessekonfliktane og habilitetsproblematikk når, slik som i tilfellet Trump, presidenten har betydelege forretningsinteresser.
Lova krev at politikarar på eit lågare nivå enn presidenten skal overføre sine selskap til eit fond, som skal styrast av ein uavhengig person. Men ingen har tydelegvis tenkt på at også presidenten kunne ha interesser i næringslivet.
– Lova er fullstendig på mi side. Presidenten kan ikkje vere inhabil, seier Donald Trump i intervjuet med New York Times.
Ifølgje Huffington Post la måndag ut ei melding på Twitter om at folk visste om denne interessekonflikten då dei røysta på han.
Gir borna ansvaret?
No har likevel ikkje Donald Trump slått fast at han skal drive forretningane sine vidare ved sida av presidentembetet. Han skal ha sagt tidlegare at dei vaksne borna hans, Ivanka, Donald Jr. og Eric Trump skal få ansvaret for eigedomsimperiet.
Men han har samstundes gitt dei roller i komiteen som har ansvaret for å gjennomføre overgangen til ein ny administrasjon i Det kvite hus.
Selskapa til Trump har interesser i mange land. Han eig ei golfbane i Skottland, blant anna. Her har han tidlegare argumentert sterkt mot å byggje vindmøller i ute i havet i nærleiken av golfbana.
Tidlegare i dag vart det meldt at Trump har bede UKIP-leiaren i Storbritannia om
Han har også interesser i India, Japan, Kina, Tyskland og fleire andre land.