Dei fagorganiserte i offentleg truar med å aksjonere i slutten av november, i protest mot ei ny pensjonsreform. Resultatet kan blant anna bli stengde skular og brannstasjonar og stans i all henting og behandling av søppel.
Stor streikeveilje
Dette vil gi konsekvensar av millionar av innbyggjarar i Storbritannia frå dag ein, og både det britiske arbeidarpartiet, Labour, og regjeringspartiet Dei konservative, åtvarar på det sterkaste mot streikeplanane.
Samstundes kom det i dag tal som viser at arbeidsløyse i Storbritannia er den høgste på nesten to år. På den store TUC-kongressen i London i dag er det venta at i alt 10 fagforeingar vil varsle at dei vil gå til streik, melder
.Pensjonsreforma gjer at arbeidstakarane må betale 3,2 prosent meir inn til sine eigne framtidige pensjonar. Dette har ført til eit ramaskrik blant dei fagorganiserte, og streikeviljen er stor.
- Aldri sett tidlegare
Generalsekretær i fagforbundet Unison, Dave Prentis, seier at 9000 ulike fagforeiningar vil delta i streiken i november, noko han meiner blir av ein storleik Storbritannia aldri har sett tidlegare.
Store grupper som brannmenn, lærarar og universistetslærarar har alt røysta for å streike, og det er venta at fleire grupper kjem etter.
Statsråd Francis Maude leier forhandlingane med fagforeiningane på vegner av regjeringa. Han seier at han ikkje er interessert i å provosere dei fagorganiserte ytterlegare, men åtvarar mot at ein storstreik kan gjere vondt verre for dei som streikar.
LES OGSÅ:
LES OGSÅ:
Miliband åtvarar
Opposisjonspartiet Labour, tradisjonelt ein støttespelar for fagrørsla, åtvarar også mot ein storstreik i ei tid då verdsøkonomien skrantar. Men sinnet er så stort over pensjonsreforma at det er vanskeleg å få gehør for slike synspunkt.
Labour-leiar Ed Miliband vart møtt med pipekonsert på TUC-kongressen då han åtvara deltakarane om konsekvensane av ein streik.
- Eg forstår sinnet dykkar, men det så lenge det er forhandlingar er det feil å gå ut i streik. Det vi treng no er meiningsfulle forhandlingar for å hindre ytterlegare konfrontasjonar denne hausten, sa Miliband blant anna.