- Mannen kom ved 16.30-tida inn i resepsjonen på hovudpolitistasjonen her i Malmø. Han sa at han hadde teke livet av ei kvinne i Danmark, og at han var mannen som var etterlyst for drapet, fortel polititalsmann Calle Persson.
Persson seier at Clita melde seg i skranken i politihuset, og at alt skjedde utan dramatikk. Han fortel at den rumenske mannen var roleg og velkledd.
Rask utlevering
København-politiet stadfestar også at det er den etterlyste Marian Clita som har meldt seg for politiet i Malmø.
Den etterlyste melde seg for politiet i den sørsvenske byen kl. 16.30. Henning Schou Kofoed ved valdsavdelinga i København-politiet seier til NRK at dei håpar på ei rask utlevering til Danmark.
- Det blir no ein utleveringsprosedyre. Om han skulle nekte utlevering, blir han framstilt for ein svensk rett, seier Schou Kofoed.
Calle Persson opplyser at Marian Clita blir utlevert til dansk politi i løpet av torsdag. Han legg til at den rumenske mannen har tilstått tjuveri frå ei kvinne på eit hotell i Malmø i slutten av februar i år.
Viser til dansk politi
Informasjonssjef Lars Förstell hos politistyresmaktene i Skåne er svært ordknapp overfor NRK.no.
- Eg kjenner til saka du nemner, men dette må du snakke med dansk politi om, er det knappe svaret. På spørsmål om den rumenske mannen kan bli utlevert alt i kveld, viser han igjen til dansk politi.
- Eg har meldt meg for politiet i Malmø, og har levert frå meg ein del dokument. Eg står på utsida og ventar på at politiet skal skaffe ein tolk. Eg snakkar flytande rumensk og italiensk, men det gjer ikkje politiet, sa Marian Clita på telefon til
frå Malmø tidlegare i ettermiddag.LES OGSÅ:
LES OGSÅ:
Overvakingskamera
Tidlegare i dag gjekk København-politiet ut med etterlysning av Marian Clita frå Romania, etter at dei greidde å identifisere han via overvakingskamera på hotellet der drapet skjedde. Han skal tidlegare vere dømd for drap i Romania i 1985.
Han er mistenkt for drapet på 42 år gamle Vera Vildmyren frå Lunner i Oppland. Ho vart funnen drepen på Radisson Blu-hotellet på Amager i København i går føremiddag.
Politiet i København har opplyst at den SAS-tilsette kvinna vart drepen med stump vald, og at ho også hadde stikkskadar då ho vart funnen på hotellrommet i går føremiddag. Det er slått fast at det vart brukt fleire våpen, også stikkvåpen.
LES OGSÅ:
LES OGSÅ:
LES OGSÅ: