Dette blir sett på som eit forsøk på å blidgjere observatørane frå Den arabiske liga, som er i landet for å sjå om Syria overheld ein avtale om å stanse angrepa på sivile demonstrantar.
– Ikkje blod på hendene
Det statlege fjernsynet seier at dei 755 ikkje har «syrisk blod» på hendene. Sist månad annonserte styresmaktene at dei hadde sett fri 1180 pågripne etter uroa i landet.
Det å setje fri politiske fangar er ein viktig del av fredsplanen, som vart underteikna i midten av desember.
Hovudstyrken av dei arabiske observatørane starta arbeidet sitt i Syria i går. Dei vitja blant anna opprørsbastionen Homs, og i går kveld gjorde dei det klart at dei ikkje sett noko brot på avtalen.
I dag nekta innbyggjarar i Homs å møte observatørane, fordi dei var i følgje syriske offiserar. Det harogså kome meldingar om skyting i Homs i dag, men det er uklart kva som har skjedd.
– Prøver overhalde avtalen
Men dei reiste tilbake til Homs i dag, og det blir utplassert observatørar i fleire andre byar der det har vore regimekritiske demonstrasjonar, som Idlib nær den tyrkiske grensa og Hama sentralt i landet.
Leiaren for observatørane i Homs, den sudanske generalen Mustafa Dabi, seier til den syriske fjernsynsstasjonen Addounia at dei har sett væpna menn i Homs. Han seier også at dei har inntrykk av at syriske styresmakter prøver å overhalde avtalen som er inngått med Den arabiske liga.
Syriske menneskerettsgrupper og FN trur at fleire tusen menneske er pågripne etter at protestane mot regimet til Bashar al-Assad starta tidlegare i år. Organisasjonen Human Rights Watch skuldar regimet for å gøyme fleire hundre fangar inne på stengde militære område, der observatørane ikkje har tilgjenge.
LES OGSÅ:
LES OGSÅ:
– Ikkje realistisk bilete
I ei fråsegn frå HRW heiter det at Den arabiske liga bør krevje tilgjenge til alle stader der det er fangar.
Opposisjonen i Syria meiner at observatørane ikkje vil få eit realistisk bilete av kva som skje i landet. Også ein talsmann for det franske utanriksdepartementet seier i dag at observatørane ikkje vil få sjå «realitetane» i landet.
I går ropte demonstrantar i Homs krav til Den arabiske liga om å
mot det syriske tryggingspolitiet.