Ikkje sidan borgarkrigen starta i 1991 har Somalia opplevd ein så lang periode utan ustabilitet som no.
Det vil likevel vere store praktiske utfordringar med å igjen få posten fram i det borgarkrigsherja landet. Ingen av postkontora er i drift, berre dei største vegane har namn og dei fleste husa har ikkje nummer, melder Reuters.
Dei konfliktfulle tilhøva med både al-Qaida-opprørarar og skipspiratar vil utvilsamt gjere jobben vanskeleg for FN-organisasjonen Universa Postal Union (UPU), som no har inngått eit samarbeid med regjeringa i Somalia om å levere post.
Det blir dermed endeleg høve til å sende og motta post i landet, etter ein stans på 22 år.
- LES OGSÅ:
Kan sende post om få veker
Sveits-baserte UPU sa nyleg i ein utsegn at internasjonal postutsending kan starte opp igjen allereie i løpet av dei neste vekene.
Informasjonsministeren i Somalia, Abdullahi Hirsi, signerte nyleg ein intensjonsavtale med Dubai-selskapet Emirates Post Group for at Dubai skal fungere som ein sentral for post med adresse i Somalia.
Minst to millionar somaliarar bur i utlandet, og rundt ti millionar bur i Somalia. I Noreg bur det rundt 30.000 somaliarar.
Dei har i 22 år måtte leve med eit nærast ikkje-eksisterande postvesen. I 1991, før borgarkrigen braut ut, var det rundt 100 postkontor i landet.
- LES OGSÅ:
Historisk ambassadeopning
Talsperson i UPI, Rheal Leblanc, seier at Somalia har oppretta eit kontor på hovudflyplassen for å handtere post inn og ut av landet, for det meste retta mot styresmaktene, ambassadar og universitet.
Eit anna teikn på optimisme i Somalia kom førre veke, då Storbritannia opna ein ambassade ved flyplassen i hovudstaden Mogadishu, etter at den førre ambassaden stengte i 1991. Storbritannia er det einaste vestlege landet som har ein ambassade i det krigsherja landet.
Landet har i årevis vore rekna for eitt av verdas mest korrupte og farlegaste, så farleg at mange FN-land har sag nei til å hjelpe samfunnet.
Utanlandske soldatar i 1991 nærast vart kjeppjaga av opprørarar og amerikanske soldatar vart slept til døde gjennom gatene i Mogadishu, til skrekk og åtvaring.
