MØTE I JAKARTA: Den indonesiske presidenten, Susilo Bambang Yudhoyono, helsar på generalsekretæren i FN, Kofi Annan. (Foto: Enny Nuraheni / Reuters / Scanpix)
Eit slikt varslingssystem er eitt av hovudpunkta på møtet.
Møtet gjev også støtte til forslaga om å slette gjeld for landa som blei hardt ramma av flodbølgjene 2. juledag, skriv telegrambyrået Reuters.
Til saman 26 land og grupperingar deltok på møtet som den indonesiske presidenten Susilo Bambang Yudhoyono var vert for.
Møtet ber også FN om å syte for ei sterkare styring og samordning av hjelpearbeidet etter flodbølgjekatastrofen.
Verdssamfunnet har skaffa fram godt med pengar til å hjelpe offera etter katastrofen. No gjeld det å få sett pengane i arbeid, understreka deltakarane på møtet.
Regjeringar verda over har lovd å gje til saman 3,7 milliardar dollar, og organisasjonar og private har kome med ytterlegare 630 millionar dollar.
Det gjev ein samla sum på 4,36 milliardar dollar, eller nærare 29 milliardar norske kroner.