I dag vart det klart at EU-kommisjonen ikkje kjem til å anke avgjerda frå EU-domstolen om at pengane, 70,2 millionar euro, må førast tilbake til SAS. Kommisjonen kunne ha anka avgjerda til EU-domstolens høgsterett, men valde altså ikkje å gjere det.
Dommen oppheva
Det var i november i 2010 at EU-kommisjonen gjekk ut med at
hadde delteke i eit internasjonalt prissamarbeid, såkalla kartellverksemd, på flyfrakt. , som i desember i fjor oppheva dommen frå EU-kommisjonen.– Dette var svært gledeleg. Vi har meint heile tida at denne bota var urettmessig, og det var derfor vi anka til EU-domstolen, seier ein glad informasjonssjef i SAS, Knut Morten Johansen, til NRK.
Han opplyser at pengane vil gå inn i rekneskapen for andre kvartal i år som ein eingongspost, og at dette naturleg nok vil vere med på å løfte resultatet. Tala for andre kvartal vil bli lagt fram i juni.
– Saka er avgjort
Rekneskapen for første kvartal blir lagt fram 8. mars, men tilbakeføringa av pengane frå EU-kommisjonen vil ikkje få noko å seie for desse tala.
Johansen fortel at det er mogleg for EU-kommisjonen til å fremje ei ny sak om det påståtte prissamarbeidet, men at det truleg er svært liten sjanse for at dei skal gjere det.
– Vi ser på denne saka som avgjort, og vi får tilbake pengane, seier nøgd Knut Morten Johansen.