Ein domstol avgjorde i dag å gi politiet nye 36 timar før dei anten må setje dei to mistenkte fri, eller tiltale dei.
Dei to som sit fengsla er ein 37-år gammal butikktilsett og ein 48 år gammal lastebilsjåfør.
Ei anonym politikjelde seier til Daily Telegraph at dei to tydelegvis ikkje kjenner kvarandre.
Kjelda seier likevel at arrestasjonen av 48-åringen var svært viktig for etterforskinga.
Dermed har politiet frist til fredag morgon med å skaffe fram bevis mot 37-åringen, som vart arrestert først. For 48-åringen, som vart arrestert eit døgn seinare, er fristen laurdag morgon.
Om dei ikkje greier dette vil dei måtte setje begge to fri.
Begge dei to arresterte mennene var faste kundar i prostitusjonsmiljøet i Ipswich, og begge to kjende truleg dei drepne kvinnene.
