Eksplosjonen skjedde i Marjeh-distriktet, eit område med fleire regjeringsbygningar og bustad for fleire av toppane i det syriske regimet. I går var det eit
mot bilkortesjen til Syrias statsminister Waael al-Halki i same området. Han vart ikkje skadd i angrepet, men seks andre vart drepne, blant dei ein av livvaktene til statsministeren.Nær innanriksdepartementet
Det er førebels uklart kva som var målet for bombeangrepet i dag, men det skal ha vore i nærleiken av innanriksdepartementet. Opprørsgruppa Syrian Observatory for Human Rights, som har base i London, seier at eksplosjonen skuldast ei bilbombe som gjekk av like ved ei bakdør ved departementet.
Minst 14 er drepne, fordelt på ni sivile og fem medlemer av tryggingsstyrkane, seier gruppa. Det statlege syriske fjernsynet oppgitt talet på drepne til 13, og at minst 70 menneske er såra. Det er venta at talet på døde vil stige ytterlegare.
Det statlege syriske fjernsynet melder at det var skyting med maskingevær like etter eksplosjonen. Fjernsynsstasjonen viser bilete frå eksplosjonsstaden, og det ligg tjukk røyk over staden. Det er gjort store skade på fleire bygningar nærleiken, også på innanriksdepartementet.
Strid om kjemiske våpen
Situasjonen i Syria har blitt stadig verre. Borgarkrigen i landet krev fleire titals liv nesten dagleg, og syriske styresmakter blir skulda for å ha brukt kjemiske våpen mot både sivile og opprørarar.
Både USA, Frankrike og Storbritannia har tidlegare sagt at bruk av kjemiske våpen vil vere ei så alvorleg eskalering av konflikten at dei vil vurdere militær hjelp til opprørarane. Russland har på det sterkaste motsett seg dette, og seier at opprørarane fabrikkerer bevis for å få vestlege land til å intervenere på deira side.
Saka blir oppdatert
LES OGSÅ:
LES OGSÅ: