Flyet, ein tomotors business-jet, var på veg til å lande på flyplassen i Akron då det styrta, opplyser eigaren av flyet, Augusto Lewkowicz, til lokale nyheitsmedium. Han fortel at det var ni menneske om bord, blant dei to pilotar. Hittil er to personar stadfesta døde.
Løytnant Bill Haymaker frå Akron Highway Patrol opplyser at ingen som var i bygningen miste livet. Bygningen er ei lågblokk.
Nyheitsbyrået AP melder at ingen var inne i bygningen då flyet styrta, og det var heller ingen heime i nabobygningen. Eit vitne fortel at det er utenkjeleg at nokon om bord kan ha overlevd styrten.
Brannvesenet arbeider på spreng for å sløkkje brannen, og det er innleidd etterforsking av årsaka til styrten.
