Kraftig jordskjelv rysta Asia

– Det var ekkelt, fortel NRK-journalist Iram Ansari som er i Lahore.

Ho kjende jordskjelvet godt.

– Mange tok til gatene etter skjelvet. Spesielt på marknadane. Etter jordskjelvet var det også kraftige etterskjelv i området. Ein kunne kjenne at veggane rista, seier Ansari.

Førebudde på eventuelle jordskred

Jordskjelvet hadde ein styrke på 6,6 på Richers skala og hadde episenter nær grensa mellom Afghanistan og Tajikistan, ifølge U.S. Geological Survey.

I Islamabad forlét fleire bustadane sine i panikk og fleire bygningar rørte på seg.

Skjelvingar blei kjent så langt som til New Delhi i India.

Ahmad Kamal, ein talsperson for myndigheitene sitt katastrofeberedskap, sa at dei ikkje hadde motteke noko informasjon om skadar frå dei råka områda. Likevel er det førebudde på eventuelle jordskred som ofte kjem i samband med skjelv.

• Les også: Er i India for å se hvor forberedt landet er på naturkatastrofer - så kom jordskjelvet

Kiran Saeed, ein pakistansk student, studerte heime i Rawalpindi, ein by nær hovudstaden, då stolen hennar tok til å riste. Først trudde ho nokon hadde dytta i den.

– Når eg snudde meg var der ingen der, og deretter starta veggane å riste. Vi kom oss ut og alle resiterte vers frå Koranen, sa ho til Ap.

Område svært utsett for jordskjelv

Dagens skjelv var det kraftigaste sidan oktober, då eit jordskjelv med ein styrke på 7,5 tok fleire enn 300 liv og skada tusenvis av bustader i nordvest.

Hindu Kush-området på grensa mellom Pakistan og Afghanistan er eit svært aktivt område når det gjeld seismisk aktivitet med hyppige skjelv. For litt over 10 år sidan tok eit jordskjelv i nord-Pakistan rundt 75 000 liv.

• Les også: Kraftig jordskjelv i Afghanistan: - Mange døde
• Les også: – Jeg trodde vi kom til å dø